ထိုင်း-မြန်မာနယ်စပ်၊ တာ့ခ်ခရိုင်၊ မယ်လမတ်မြို့နယ်ထဲမှာ တရားဝင် ဝင်ရောက်လာတဲ့ မြန်မာနိုင်ငံသား အယောက် ၄၀ ကို ထိုင်းလမ်းပြ ၅ ဦးနဲ့အတူ ဖမ်းဆီးခံရတယ်လို့  Siamrath ထိုင်းသတင်းမှာ ဖော်ပြပါတယ်။

တာ့ခ်ခရိုင် စုံစမ်းစစ်ဆေးရေးရဲတပ်ဖွဲ့၊ လဝကရဲနဲ့ နယ်မြေခံရဲတွေဟာ သတင်းအရ တရားမဝင်အလုပ်သမားတွေ တင်သွင်းနေတယ် ဆိုတဲ့ တာ့ခ်ခရိုင်က ထိုင်းအမျိုးသား ၅ ဦးနောက်ကို လိုက်လံစုံစမ်းနေရာမှာ မေ ၃ ရက်က မယ်လမတ်မြို့နယ် ဆာမ်မိန်အုပ်စု ဘန့်ဆဲမ်ရွာထဲမှာ ဖမ်းဆီးရမိခဲ့တယ်လို့ ဆိုပါတယ်။

သူတို့ ၅ ဦးဟာ ကား ၂ စီးနဲ့ လူတွေကို သယ်ဆောင်လာကြောင်း ၊ ကားပေါ်မှာ အထုပ်အပိုးတွေနဲ့  မြန်မာနိုင်ငံသား ၄၀ ( အမျိုးသား ၂၉   ၊ အမျိုးသမီး ၁၁ ဦး ) လိုက်ပါလာပြီး ထိုင်းနိုင်ငံထဲ တရားဝင် ဝင်ရောက်လာတဲ့ အထောက်အထား မရှိတာကြောင့် လဝက ဥပဒေနဲ့ အရေးယူသွားမယ်လို့ တာဝန်ရှိသူက ပြောပါတယ်။

အဆိုပါ ထိုင်း ၅ ဦးမှာလည်း တရားမဝင်သူတွေ ဝင်ရောက်လာအောင် အားပေးကူညီမှု၊ သူတို့တွေ အရေးယူခြင်းမခံရအောင် သိုဝှက်ကာကွယ်ပေးမှုတွေနဲ့ အရေးယူခံရမယ်လို့ တာ့ခ် ခရိုင်ရဲတပ်ဖွဲ့က ပြောပါတယ်။

Source: Siam Rath