[caption id="attachment_47198" align="alignright" width="300"] ရန်ကုန်မြို့တွင် ကျင်းပတဲ့ ကားအရောင်းပြခန်းတခုအား တွေ့မြင်ရစဉ်[/caption]မြန်မာနိုင်ငံ မော်တော်ယာဉ် ထုတ်လုပ်ရေးနဲ့ ဖြန့်ဖြူးရောင်းချရေး လုပ်ငန်းရှင်များ အသင်းဟာ အမ်အေအမ်ဒီအေလို့ ခေါ်တဲ့ အများပိုင်ကုမ္ပဏီ တခုကို တည်ထောင်ဖို့အတွက် အစုရှယ်ယာ ထည့်ဝင်မယ့်သူတွေဆီကနေ အဆိုပြုလွှာတွေ စတင် စုဆောင်းနေပြီဖြစ်တယ်လို့ အသင်းတာဝန်ရှိသူ ဒေါက်တာ စိုးထွန်းက ပြောပါတယ်။

စက်တင်ဘာ ၂ ရက်နေ့က ကျင်းပတဲ့ အသင်းအစည်းအဝေးမှာ အဆိုပြုလွှာတွေ စတင် စုဆောင်းတာ ဖြစ်ပြီး စုစုပေါင်း မတည်ရင်းနှီးငွေ ကျပ် သိန်း ၅ သောင်းနဲ့ ဆောင်ရွက်မယ်လို့ ဆိုပါတယ်။
အစုရှယ်ယာ ထည့်ဝင်သူတွေ များပြီး အများပိုင်ကုမ္ပဏီ ပေါ်ပေါက်လာရင် အော်တိုမိုဘိုင်း ကွန်ပလက်ဇုန် တခု တည်ထောင်မယ်လို့ သိရပါတယ်။

အဲဒီ ဇုန်မှာ ကားနဲ့ ပတ်သက်တဲ့ ရောင်းဝယ်ရေးလုပ်ငန်းတွေ၊ ၀ပ်ရှော့တွေနဲ့ ဆိုင်ခန်းတွေ တနေရာတည်း စုစည်းထားမှာ ဖြစ်တယ်လို့ ဒေါက်တာစိုးထွန်းက ပြောပါတယ်။