တချိန်မှာ ပရီးမီးယားလိဂ်ဆီ သေချာပေါက် ပြောင်းရွှေ့ကစားမှာဖြစ်ကြောင်း နိုင်ဂျီးရီးယား တိုက်စစ်မှူး အိုဆီမန်က ပြောသွားပါတယ်။

နာပိုလီတိုက်စစ်မှူးဟာ အီတလီစီးရီးအေမှာ ခြေစွမ်းပြနေပြီး ချဲလ်ဆီး၊ အာဆင်နယ် အသင်းတွေက ခေါ်ယူဖို့ ဆန္ဒရှိနေတာပါ။

အသင်းနဲ့အတူ အာဖရိကဖလား ဝင်ပြိုင်နေချိန်မှာ ပရီးမီးယားလိဂ်ဆီ အပြောင်းအရွှေ့နဲ့ ပတ်သက်ပြီး အိုဆီမန်က မှတ်ချက်ပေးခဲ့တာပါ။

အိုဆီမန်က “တချိန်မှာ ပရီးမီးယားလိဂ်ဆီ ပြောင်းရွှေ့ကစားမှာက သေချာပါတယ်။ ဒါပေမဲ့ လက်ရှိအချိန်မှာတော့ ကျနော့်ကစားသမားဘဝရဲ့ တခြားသော ရည်မှန်းချက်တွေအတွက် ရှေ့ဆက်သွားရမှာပါ။ အချိန်တခုရောက်လာရင်တော့ အားလုံးသိရှိကြပါလိမ့်မယ်” လို့ ပြောပါတယ်။

နာပိုလီအသင်းမှာလည်း ပျော်ရွှင်နေပြီး အသင်းဥက္ကဋ္ဌဘက်က အားပေးသလို ရင်းနှီးတဲ့ ဆက်ဆံရေးလည်းရှိကြောင်း အိုဆီမန်က ပြောသွားပါတယ်။

Photo-Reuters