မနေ့ညက ကစားသွားတဲ့ ပရီးမီးယားလိဂ်ပွဲစဉ်တွေမှာ မန်စီးတီးနဲ့ ချဲလ်ဆီးတို့ နိုင်ပွဲပြန်လည်ရရှိခဲ့ပါတယ်။
နောက်ဆုံးကစားခဲ့တဲ့ လိဂ်ပွဲစဉ်မှာ ခရစ္စတယ်ပဲလေ့နဲ့ သရေကျခဲ့တဲ့ မန်စီးတီးအသင်းဟာ မနေ့ညက ပွဲစဉ်မှာ အဲဗာတန်ကို ၃ ဂိုး ၁ဂိုးနဲ့ အနိုင်ရပြီး နိုင်ပွဲပြန်ရှာနိုင်ခဲ့တာပါ။
ဟာလန်း၊ ဒီဘရိုင်း၊ ဒီယက်ဇ်နဲ့ ဒိုကူတို့မပါဝင်နိုင်ခဲ့တဲ့ စီးတီးဟာ အဲဗာတန်ကို ဦးဆောင်ဂိုး အရင်ပေးခဲ့ရပေမဲ့ ဒုတိယပိုင်း သွင်းဂိုးတွေနဲ့ အနိုင်ရခဲ့တာပါ။
ဖိုဒမ်၊ အယ်ဗာရက်ဇ်နဲ့ ဆေးလ်ဗားတို့က မန်စီးတီးအတွက် ဂိုးသွင်းခဲ့ပါတယ်။ နောက်ဆုံး ပရီးမီးယားလိဂ်ပွဲမှာ ဝုဗ်ကို ရှုံးနိမ့်ခဲ့တဲ့ ချဲလ်ဆီးဟာလည်း ခရစ္စတယ်ပဲလေ့အသင်းကို ၂ ဂိုး ၁ ဂိုးနဲ့ အနိုင်ရခဲ့တာပါ။
ပွဲပြီးခါနီးအထိ တဂိုးစီသရေကျနေခဲ့ပေမဲ့ ၈၉ မိနစ်မှာ ပင်နယ်တီရရှိခဲ့ပြီး လူစားဝင် တိုက်စစ်ကစားသမား မာဒူကီက သွင်းယူခဲ့တာပါ။
တခြားပွဲစဉ်မှာတော့ ဝုဗ်အသင်းက ဟွမ်ဟီးချန်ရဲ့ သွင်းဂိုးနှစ်ဂိုးနဲ့ အတူ ဘရန့်ဖို့ဒ်ကို ၄ ဂိုး ၁ဂိုးနဲ့ ခြေစွမ်းပြ အနိုင်ယူခဲ့ပါတယ်။
Photo-Reuters
