တရုတ်မြန်မာနယ်စပ် မူဆယ်မြို့မှာ ဆန်အရောင်းအ၀ယ် ပုံမှန် ပြန်ဖြစ်လာပြီလို့ သိရပါတယ်။
ဒီလို ပုံမှန်ပြန်ဖြစ်လာတာဟာ တရုတ်နိုင်ငံက ဖမ်းဆီးမှုတွေကြောင့် သြဂုတ်ဒုတိယအ ပတ် က စပြီး ဆန်အရောင်းအ၀ယ် ရပ်တန့်လုနီးပါး ဖြစ်ခဲ့ပြီး မူဆယ်မှာ ဆန်တန်ချိန် ၅ သောင်းခန့် စုပုံနေခဲ့ရပြီးတဲ့နောက်ပိုင်း ပထမဆုံးအကြိမ်အနေနဲ့ ပုံမှန် အခြေအနေကို ပြန်ရောက်လာခဲ့တာပါ။
ပြီးခဲ့တဲ့ သြဂုတ် ၁၂ ရက်နေ့က ရန်ကုန်မှာ စီးပွားရေးနဲ့ ကူးသန်းရောင်းဝယ်ရေး ၀န်ကြီးဌာန ပြည်ထောင်စုဝန်ကြီးနဲ့ တရုတ်စီးပွားရေးသံမှူးတို့ တွေ့ဆုံပြီးတဲ့နောက်မှာ အရောင်းအ၀ယ် တဖြည်းဖြည်း ပြန်ဖြစ်လာပြီး ပုံမှန် အခြေအနေကို ပြန်ပြီးရောက်လာတယ်လို့ မူဆယ်က ကုန်သည်တွေက ပြောပါတယ်။
အခုလို ဆန်အရောင်းအဝယ် ပုံမှန်ပြန်ဖြစ်လာလို့ ကားခတွေလည်း ၁ ပိသာကို ကျပ် ၁၀ ကျော်လောက်ဈေးတက်သွားပါတယ်။
မန္တလေး - မူဆယ် ကားခဟာ ၁ တန်ကို ကျပ် ၄၀၀၀၀ ကနေ ၄၆၀၀၀ လောက်အထိ ဖြစ်နေပါတယ်။
