လာမယ့် စက်တင်ဘာ ၁၁ ရက်မှာ လွှတ်တော်အရပ်ရပ် ပြန်လည်စတင်ကျင်းပမယ်လို့ သက်ဆိုင်ရာ လွှတ်တော်အသီးသီးက သတင်းထုတ်ပြန်ကြေညာလိုက်ပါတယ်။
၁၀ ကြိမ်မြောက် လွှတ်တော်အစည်းအဝေးတွေ ရပ်နားပြီး ၁ လနဲ့ ၁၀ ရက်လောက်အကြာမှာ လွှတ်တော်အစည်းအဝေး စတင် ကျင်းပမည်လို့ ကြေညာခဲ့တာ ဖြစ်ပါတယ်။
အန်အယ်လ်ဒီပါတီက ကျောက်ပန်းတောင်းမြို့နယ် ပြည်သူ့လွှတ်တော်အမတ် ဒါက်တာ ဇော်မြင့်မောင်က လွှတ်တော်ရပ်နားချိန် တိုတာင်းတဲ့အတွက် ပါတီတာဝန်နဲ့ လွှတ်တော်နယ်မြေ ဆင်းတဲ့အချိန်တွေ မလုံလောက်ဘူးလို့ ပြောပါတယ်
အဖွဲ့ချုပ်အနေနဲ့ လွှတ်တော်ကျင်းပချိန်တွေကို တနှစ်စာပြက္ခဒိန်ထုတ်ပြီး ကျင်းပဖို့ တင်ပြခဲ့ ပေမယ့်လဲ အခုထိ ဖြစ်မလာဘူး။ တခြားနိုင်ငံက လွှတ်တော်တွေလို လွှတ်တော်ပြက္ခဒိန်ထားပြီး ကျင်းပဖို့ ကောင်းတယ်လို့ ဝေဖန် ပြောကြားလိုက်ပါတယ်။
စက်တင်ဘာမှာ ပြန်လည်ကျင်းပမယ့် ၁၁ ကြိမ်မြောက် လွှတ်တော်အစည်းအဝေးမှာ အချိုးကျကိုယ်စားပြုစနစ်(ပီအာ)နဲ့ ပတ်သက်ပြီး ဆွေးနွေးကြဖို့ ရှိပါတယ်။
