ပြီးခဲ့တဲ့ သြဂုတ် ၈ ရက်နေ့က ဆက်သွယ်ရေးဝန်ကြီးဌာနဟာ ပုဂ္ဂလိကကုမ္ပဏီ ၃ ခုကို အပြည်ပြည်ဆိုင်ရာ အမြန်ချောပို့လုပ်ငန်း လုပ်ကိုင်ခွင့်ပြုတဲ့ သဘောတူစာချုပ် လက်မှတ်ရေးထိုး ပေးလိုက်ပြီ ဖြစ်ပါတယ်။

အဲဒီ ကုမ္ပဏီ ၃ ခုကတော့ Magnate Group Logistic, Smart Logistic, Transmarine Logistic တွေ ဖြစ်ကြ ပါတယ်။

တနေ့တည်းမှာပဲ United Courier Services နဲ့ Myanmar USU ကုမ္ပဏီတွေကိုလည်း လာမယ့် ၂၀၁၅ ဇန်န၀ါရီ ၁ ရက်နေ့ကစပြီး အပြည်ပြည်ဆိုင်ရာ အမြန်ချောပို့လုပ်ငန်း လုပ်ခွင့်စာချုပ်ကိုပါ လက်မှတ်ရေးထိုးမှာ ဖြစ်ပါတယ်။

ဒီမတိုင်ခင်ကတော့ ဆက်သွယ်ရေးဝန်ကြီးဌာနလက်အောက်ရှိ အပြည်ပြည်ဆိုင်ရာ အမြန်ချောပို့လုပ်ငန်းဟာ ပို့ခ ဈေးကြီးတဲ့အပြင် ၀န်ဆောင်မှုလည်း အားနည်းတယ်လို့ ဝေဖန်မှုတွေ ခံနေရတာ ဖြစ်ပါတယ်။