မြောက်အတ္တလန္တိတ် စစ်ရေးမဟာမိတ်အဖွဲ့ (နေတိုး) ရဲ့ စစ်ရေးကော်မတီအကြီးအကဲ ရေတပ်ဗိုလ်ချုပ်ကြီး ရော့ဘ် ဘောင်ဝါက လက်နက်ထုတ်လုပ်ရေး လုပ်ငန်းတွေ မြှင့်တင်ဖို့ လိုပြီလို့ အောက်တိုဘာ ၄ ရက်က ပြောလိုက်ပါတယ်။

ပိုလန်မြို့တော် ဝါဆောမှာကျင်းပတဲ့ လုံခြုံရေးဖိုရမ်ရဲ့ ပထမနေ့မှာ ပြောလိုက်တာပါ။ စစ်မဖြစ်မီ ၇ နှစ်လောက်က နိုင်ငံရေးအဆင့်မှာ ဘတ်ဂျက်တွေ တက်လာခဲ့ပေမဲ့ လက်နက်ထုတ်လုပ်တဲ့ လုပ်ငန်းဟာ ထုတ်လုပ်မှုစွမ်းရည်ကို မတိုးမြှင့်ခဲ့ဘူးလို့ ဘောင်ဝါက ပြောပါတယ်။

ခဲယမ်းမီးကျောက်စျေးနှုန်းတွေ ရုတ်ချည်း မြင့်တက်လာလို့ မဟာမိတ်တွေရဲ့ မြင့်မားတဲ့ ကာကွယ်ရေးအသုံးစရိတ်ဟာ ပိုကြီးမားတဲ့ လုံခြုံရေးအဖြစ် အလိုအလျောက် ပြောင်းလဲလာမှာ မဟုတ်ဘူးလို့ စက်တင်ဘာလ အစောပိုင်းမှာ ဘောင်ဝါက သတိပေးခဲ့ပါတယ်။ ကာကွယ်ရေးကုမ္ပဏီတွေမှာ ပုဂ္ဂလိက ရင်းနှီးမြှုပ်နှံမှုတွေ ပိုလုပ်ဖို့ တောင်းဆိုခဲ့ပါတယ်။

မဟာမိတ်တွေက ယူကရိန်းအစိုးရကို အလျင်စလို ထောက်ပံ့ရုံသာမက သူတို့ကိုယ်တိုင်ရဲ့ စာရင်းစစ်တမ်းတွေအတွက်လည်း ဖြည့်ဆည်းနေလို့ ရုရှားက ယူကရိန်းကို ကျူးကျော်ပြီးတဲ့နောက် မြင့်တက်လာတဲ့ လက်နက်နဲ့ ကိရိယာတွေ လိုအပ်ချက်ကို ဖြည့်ဆည်းပေးဖို့ ကာကွယ်ရေးပစ္စည်းထုတ်လုပ်မှုကို မြှင့်တင်ဖို့ နေတိုးက ဖိအားပေးနေပါတယ်။

Source/Photo-Reuters