အင်္ဂလန်ပရီးမီးယာလိဂ်ရဲ့ အကောင်းဆုံးကွင်းလယ်ကစားသမားဟာ မန်းစီးတီးအသင်းသား ရိုဒရီ ဖြစ်တယ်လို့ အာဆင်နယ်ကွင်းလယ်လူ ဒက်ကလန်ရိုက်စ်က ထုတ်ဖော်ပြောကြားသွားပါတယ်။
အင်္ဂလန်အသင်းနဲ့အတူ နိုင်ငံတကာပွဲစဉ်တွေ ကစားနေချိန် Channel 4 နဲ့ အင်တာဗျူးတစ်ခုမှာ အကောင်းဆုံးကွင်းလယ်ကစားသမားက ဘယ်သူလဲဆိုတာကို ရိုက်စ်က ထုတ်ဖော် ချီးကျူးခဲ့တာပါ။
ပရီးမီးယားလိဂ်မှာ အကောင်းဆုံးကွင်းလယ်ကစားသမားက မန်စီးတီးကွင်းလယ်လူ ရိုဒရီဖြစ်ပြီး သူ့ရဲ့လုပ်အားနှုန်းနဲ့ အသင်းကို ထိန်းကျောင်းနိုင်ပုံတွေက မယုံကြည်နိုင်လောက်အောင် ထူးချွန်ကြောင်း ရိုက်စ်က ပြောပါတယ်။
စပိန်ကွင်းလယ်လူ ရိုဒရီဟာ မနှစ်ကရာသီက မန်စီးတီးအသင်း ဆုဖလားသုံးလုံးရယူနိုင်ခဲ့ရာမှာ အဓိကနေရာကနေ ခြေစွမ်းပြခဲ့သူပါ။ ချန်ပီယံလိဂ်ဗိုလ်လုပွဲမှာလည်း တစ်လုံးတည်းသော အနိုင်ဂိုး သွင်းပေးခဲ့တာပါ။
သူဟာ အခုနှစ်မှာ ချီးမြှင့်မယ့် ဘလွန်းဒီအော အကောင်းဆုံးကစားသမားဆု ဆန်ခါတင် စာရင်းမှာလည်း ပါဝင်နေပါတယ်။
Photo - Reuters
