အာဆီယံယူ-၂၃ အမျိုးသားဘောလုံးပြိုင်ပွဲအုပ်စု ဒုတိယမြောက်ပွဲစဥ်ကို ထိုင်းနိုင်ငံ ဘန်ကောက်မြို့မှာ သြဂုတ် ၁၉ ရက်က မြန်မာယူ-၂၃အသင်းနဲ့ ကမ္ဘောဒီးယား ယူ-၂၃ အသင်းတို့ ယှဥ်ပြိုင်ကစားခဲ့ရာ တစ်ဖက် ၁ ဂိုးစီ သရေကျခဲ့ပါတယ်။
ကမ္ဘောဒီးယားအသင်းအတွက် ဦးဆောင်ဂိုးကို ပွဲချိန် ၁၃ မိနစ်မှာ ခွန်လေဟာက သွင်းယူခဲ့ပြီး မြန်မာအသင်းအတွက် ချေပဂိုးကို ပွဲချိန် ၈၈ မိနစ်မှာ ခွန်ကျော်ဇင်ဟိန်းက သွင်းယူခဲ့ပါတယ်။
မြန်မာအသင်းဟာ ဘရူးနိုင်းအသင်းနဲ့ ကစား ဖို့ကျန်ရှိနေပေမဲ့ အုပ်စုနောက်ဆုံးအသင်းနဲ့ ကစားတဲ့ ရလာဒ်ကိုထည့်မတွက်တာကြောင့် မြန်မာအသင်းကအုပ်စုအဆင့်မှ ထွက်ခွာခဲ့ရပါတယ်။
အုပ်စုအတွင်းတခြားပွဲစဥ်ဖြစ်တဲ့ ထိုင်းယူ-၂၃ အသင်း နဲ့ ဘရူနိုင်းယူ-၂၃အသင်းတို့ ပွဲစဥ်မှာ ထိုင်းယူ-၂၃အသင်းက ၃ ဂိုး ဂိုးမရှိနဲ့အနိုင်ရရှိခဲ့ပါတယ်။
အုပ်စု က မှာ ထိုင်းအသင်းက ရမှတ် ၆ မှတ်နဲ့အုပ်စုပထမ၊ ကမ္ဘောဒီယာယအသင်းက ရမှတ် ၄ မှတ်နဲ့ အုပ်စုဒုတိယ၊ မြန်မာအသင်းက ရမှတ် ၁ မှတ်နဲ့ အုပ်စုတတိယ၊ ဘရူနိုင်းအသင်းက ရမှတ်မရှိနဲ့ အုပ်စု နောက်ဆုံးနေရာမှာ ရပ်တည်နေပါတယ်။
အာဆီယံ ယူ-၂၃ အမျိုးသားဘောလုံးပြိုင်ပွဲမှာ အုပ်စု ၃ ခုက ပထမရတဲ့အသင်း ၃ သင်းနဲ့ အကောင်းဆုံးအုပ်စု ဒုတိယ ၁ သင်းသာ ဆီမီးဖိုင်နယ် တက်ရောက်နိုင်မှာဖြစ်တာကြောင့် မြန်မာ အသင်းဟာ ပွဲစဥ် ၂ ပွဲကစားပြီးချိန်မှာ ထွက်ခွာခဲ့ရတာဖြစ်ပါတယ်။
မြန်မာယူ-၂၃ အသင်းဟာ အုပ်စုနောက်ဆုံးပွဲစဥ်အဖြစ် ဘရူနိုင်းယူ-၂၃ အသင်းနဲ့ သြဂုတ် ၂၁ရက်နေ့ ယှဥ်ပြိုင်သွားရမှာဖြစ်ပါတယ်။
