ရုရှားကာကွယ်ရေးဝန်ကြီး ဆာဂေးလ် ရွှိုင်ဂူဟာ မြောက်ပိုင်းရေတပ်ရဲ့ လက်အောက်ခံ ဝေးလံ ခေါင်သီတဲ့ အာတိတ် မြို့စောင့်တပ်တွေကို စစ်ဆေးခဲ့တယ်လို့ ဝန်ကြီးဌာနက သြဂုတ် ၁၂ ရက်မှာ ပြောလိုက်ပါတယ်။
စစ်သင်္ဘောတွေကိုလည်း အာတိတ်သမုဒ္ဒရာဆီ ပို့ဆောင်လိုက်ပါတယ်။
ရွှိုင်ဂူဟာ စစ်ဘက်ဆိုင်ရာ အခြေခံအဆောက်အအုံများကို စစ်ဆေးခဲ့ပြီး "အရေးပါတဲ့ အဆောက်အအုံတွေကို ကာကွယ်ဖို့နဲ့ ခုခံကာကွယ်ဖို့ လုပ်ဆောင်ချက်တွေအတွက် အဆင်သင့် ဖြစ်နေပြီ" လို့ ဝန်ကြီးဌာနက တယ်လီဂရမ် လူမှုကွန်ရက်မှာ ပြောခဲ့ပါတယ်။
ဖျက်သင်္ဘော ဒုဗိုလ်ချုပ်ကြီး ကူလာကို့ဗ်၊ ကမ်းတက်သင်္ဘော အလက်ဇန်းဒါး အော့ထရာ ကော့ဗ်စကီနဲ့ ကယ်ဆယ်ရေးဆွဲသင်္ဘော အတ်တိုင်တို့အပါအဝင် စစ်သင်္ဘောတွေ အာတိတ်ကို သွားခဲ့တယ်လို့ ဝန်ကြီးဌာနက ပြောပါတယ်။
ရွှိုင်ဂူက မြောက်ပိုင်းရေတပ်သင်္ဘောစုဆီကို ဘယ်အချိန် လာခဲ့တယ်ဆိုတာကို ရှင်းရှင်းလင်းလင်း မသိ ရပါဘူး။
မြောက်ပိုင်းပင်လယ် လမ်းကြောင်းမှာရှိတဲ့ ရုရှားရဲ့ အချုပ်အခြာ အာဏာကို ကာကွယ်ဖို့ ရည်ရွယ်တဲ့ စစ်ရေး လေ့ကျင့်မှုကို သောကြာနေ့က စခဲ့တယ်လို့ ရေတပ်က ပြောပါတယ်။
တိုက်ခိုက်ရေးလေ့ကျင့်မှုရဲ့ တစိတ်တပိုင်းအနေဖြင့် MiG-31 တိုက်လေယာဉ်တွေက လေကြောင်းရန်ကာကွယ်ရေး၊ လေကြောင်းကင်းထောက်တာတွေ၊ အာတိတ်ဇုန်အတွင်း လှုပ်ရှားနေတဲ့ တပ်ဖွဲ့ဝင်တွေ၊ တပ်ဖွဲ့တွေအတွက် အကာအကွယ်တွေ လုပ်ဆောင်ခဲ့တယ်လို့ ဝန်ကြီးဌာနက ပြောကြားခဲ့ပါတယ်။
Source-Reuters
