တရုတ်နိုင်ငံအရှေ့ပိုင်း ရှန်ဒေါင်ပြည်နယ်မှာ သြဂုတ် ၆ ရက်က ပြင်းအား ၅ ဒသမ ၅ အဆင့်ရှိ ငလျင်တခု လှုပ်ခတ်ခဲ့ပြီးနောက် လူပေါင်း ၂၂ ဦး ဒဏ်ရာရရှိကာ အဆောက်အအုံ ၁၂၆ လုံးအထိ ပြိုကျသွားတယ်လို့ နိုင်ငံပိုင်ရုပ်သံ စီစီတီဗီမှာ ဖော်ပြခဲ့ပါတယ်။
ဒေသစံတော်ချိန် မနက် ၂ နာရီ ၃၃ မိနစ်က ဒဲ့ကျိုး (Dezhou) မြို့ရှိ ပင်းယွမ် (Pingyuan) ခရိုင်ရဲ့ ၁၀ ကီလိုမီတာ အနက်တနေရာမှာ ငလျင်လှုပ်ခတ်ခဲ့တာလို့ တရုတ်မြေငလျင်ကွန်ရက်များစင်တာ (CENC) အရ သိရပါတယ်။
မနက် ၃ နာရီ ၂ မိနစ်မှာတော့ အင်အား ၃ ဒသမ ၀ အဆင့်သာရှိတဲ့ ဒုတိယမြောက်ငလျင်ဟာ ၉ ကီလိုမီတာအနက်မှာ နောက်တကြိမ် လှုပ်ခတ်ခဲ့တယ်လို့ CENC က ထုတ်ပြန်ထားပါတယ်။
ဒါကြောင့် ပေကျင်း-ရှန်ဟိုင်း မီးရထားလမ်းနဲ့ ပေကျင်း-ခေါင်လွန်း (Kowloon) မီးရထားလမ်းတို့ အပါအဝင် ရထားပြေးဆွဲမှုတချို့ကို တရုတ်မီးရထားအဖွဲ့က ရပ်ဆိုင်းထားတယ်ဆိုပြီး စီစီတီဗီသတင်းမှာ ပါဝင်ပါတယ်။
ဒီ မြေငလျင်လှုပ်ခတ်ခဲ့တဲ့ ဒဲ့ကျိုးမြို့အလယ်ပိုင်းက ပင်းယွမ်ခရိုင်မှာ လူဦးရေ ၄ သိန်း ၂ သောင်းအထိ ရှိတယ်လို့ ဆိုပါတယ်။
Source - Reuters
