မြန်မာနိုင်ငံမှာ လူကုန်ကူးခံခဲ့ရတဲ့  အိန္ဒိယနိုင်ငံသား ၁၅ ယောက်ကို  ဇူလိုင် ၂၆ မှာ ရန်ကုန်လေဆိပ်ကနေတဆင့်   ဒေလီသို့ ပြန်လည်ပို့​ဆောင်ပေးခဲ့တယ်လို့ ရန်ကုန်ရှိ မြန်မာနိုင်ငံဆိုင်ရာ အိန္ဒိယသံရုံးက သတင်းထုတ်ပြန်ပါတယ်။

လူကုန်ကူးဂိုဏ်းဟာ အိန္ဒိယနိုင်ငံသား ၁၅ ဦးကို အွန်လိုင်းကနေ  အလုပ်ရမယ်ဆိုပြီး များပြားလှတဲ့ လစာနဲ့  လိမ်လည်ခေါ်ယူယူခဲ့ပြီး လူကုန်ကူးဂိုဏ်းမှာ ခိုင်းစေခဲ့တာဖြစ်ပါတယ်။  

လူကုန်ကူးဂိုဏ်းရဲ့ အမည်နဲ့ ဘယ်နေရာမှာ ဘယ်လိုကယ်တင်ခဲ့တယ်ဆိုတာတွေ ပတ်သက်တဲ့ အသေးစိတ်အချက်အလက်တွေကိုတော့ သတင်းမှာဖော်ပြခြင်းမရှိပါဘူး။ အများအားဖြင့်တော့ အိန္ဒိယနိုင်ငံသားတွေအပါအဝင် နိုင်ငံခြားသားတွေဟာ ကရင်ပြည်နယ်၊ မြဝတီမြို့နယ် ရွှေကုက္ကိုမှာ လူကုန်ကူး ခိုင်းစေခံရလေ့ရှိတာပါ။ 

အဆိုပါ အိန္ဒိယနိုင်ငံသားတွေကို ရန်ကုန်လေဆိပ်မှတဆင့်  ဒေလီသို့ပို့ဆောင်ပေးခဲ့ပြီး ဒေလီကနေ တဆင့် သူတို့ရဲ့  နေရပ်သို့ ဆက်လက်ပို့ဆောင်သွားမှာ ဖြစ်ပါတယ်။

အိန္ဒိယနိုင်ငံသားတွေကို ကယ်တင်ရာမှာကူညီပေးခဲ့တဲ့ မြန်မာအာဏာပိုင်တွေနဲ့ တခြားကူညီသူတွေကို ကျေးဇူးတင်တယ်လို့ အိန္ဒိယသံရုံးက ထုတ်ပြန်ထားပါတယ်။

အိန္ဒိယသံရုံးဟာ လက်ရှိအချိန်ထိ မြန်မာနိုင်ငံမှာ လူကုန်ကူးခံထားရတဲ့ အိန္ဒိယနိုင်ငံသား ၃၇၉ ဦးကို ကယ်တင်နိုင်ခဲ့ပြီ ကျန်ရှိနေသူတွေကို  ဆက်လက်ကယ်တယ်သွားမှာဖြစ်တယ်လို့ ထုတ်ပြန် ပါတယ်။

နိုင်ငံဖြတ်ကျော်ရာဇဝတ်ဂိုဏ်းတွေက အွန်လိုင်းကတဆင့်သားကောင်တွေကို ပစ်မှတ်ထားပြီး မက်လုံးပေးအလုပ်ကမ်းလှမ်းမှုတွေကို  ဆန့်ကျင်ကြဖို့ လည်း အိန္ဒိယသံရုံးက ဆိုပါတယ်။