အကောက်ခွန် ဦးစီးဌာနဟာ ၂၀၁၄ ဧပြီကနေ ဇွန်လ အထိ ၃ လတာ အတွင်း အကောက်ခွန်မဲ့ ပစ္စည်း တန်ဘိုးစုစုပေါင်း ကျပ်ငွေ ၁ ဒသမ ၂ ဘီလီယံဖိုးနီးပါး ဖမ်းဆီးရမိခဲ့တယ်လို့ ဒီကနေ့ သတင်းထုတ်ပြန်ပါတယ်။

ဒီဖမ်းဆီးရမိမှုတွေဟာ စီးပွား- ကူးသန်း ၀န်ကြီးဌာနက ဦးဆောင် အကောင်အထည် ဖော်နေတဲ့ မှောင်ခိုဖမ်းတဲ့ မိုဘိုင်းတင်းမ် အဖွဲ့တွေက ဖမ်းဆီးရမိမှုတွေနဲ့ မသက်ဆိုင်ဘူးလို့ ဆိုပါတယ်။

ဖမ်းဆီးရမိမှုတွေထဲမှာ ရန်ကုန် လေဆိပ်နဲ့ အပြည်ပြည်ဆိုင်ရာ ဆိပ်ကမ်းတွေကနေ ကျပ်ငွေ သန်း ၆၀၀ ကျော်ဖိုး၊ အခြားတိုင်းနဲ့ ပြည်နယ်တွေကနေ ကျပ် သန်း ၅၅၀ ကျော်ဖိုး ပါဝင်တယ်လို့ ဖော်ပြထားပါတယ်။
မှောင်ခိုဖမ်းတဲ့ မိုဘိုင်းတင်းမ်အဖွဲ့ကလည်း လုပ်ငန်းစတင်တာကနေ ဒီကနေ့ အချိန်ထိ မှောင်ခိုပစ္စည်း ကျပ်ငွေ ၁၈ ဘီလီယံဖိုးလောက် ဖမ်းမိခဲ့ပြီလို့ ကြေညာထားပါတယ်။