အမေရိကန်အသင်းနည်းပြ မော်ရီစီယို ပိုချက်တီနိုဟာ မန်ချက်စတာယူနိုက်တက်အသင်းကနေ ထွက်ခွာသွားပြီဖြစ်တဲ့ နည်းပြ ကာရစ်ရဲ့နေရာမှာ အစားထိုးဖို့ ၂ နှစ်ခွဲစာချုပ် ချုပ်ဆိုတော့မှာ ဖြစ်ပါတယ်။

ပိုချက်တီနိုဟာ မန်ယူနဲ့ လီဗာပူးတို့ရဲ့ အရေးကြီးပွဲစဉ် မတိုင်ခင်မှာ အမေရိကန်အသင်းကို တာဝန်ယူ ကိုင်တွယ်ရမှာ ဖြစ်ပါတယ်။

ဒီအတွက်ကြောင့် မန်ယူအသင်းနဲ့ ပထမဆုံးပွဲစဉ်အတွက် ပြင်ဆင်ချိန် နည်းပါးသွားမှာ ဖြစ်ပါတယ်။

အမေရိကန်အသင်းဟာ ကွန်ကာကပ်ဖ် နေးရှင်းလိဂ် ကွာတားဖိုင်နယ် ပထမအကျော့အဖြစ် ဟေတီအသင်းနဲ့ စနေနေ့မှာ ကစားရမှာ ဖြစ်ပါတယ်။

ဒုတိယအကျော့ပွဲကိုတော့ ဗုဒ္ဓဟူးနေ့ မနက်ပိုင်းမှာ ဆင်ဆင်နာတီမြို့မှာ ဆက်လက်ယှဉ်ပြိုင်ရမှာပါ။ ပိုချက်တီနိုဟာ အဆိုပါပွဲအပြီးမှာ လီဗာပူးနဲ့ပွဲအတွက် မန်ယူအသင်းဆီ ချက်ချင်းလာရောက် တာဝန်ယူရမှာ ဖြစ်ပါတယ်။