စပိန်အသင်းဟာ ကြယ်ပွင့်ကစားသမား လာမိန်းယာမဲလ်ရဲ့ ကမ္ဘာ့ဖလား ပွဲဦးထွက်ဂိုးနဲ့အတူ ကမ္ဘာ့ဖလား အုပ်စုဒုတိယပွဲစဉ်မှာ ဆော်ဒီအာရေဗျကို (၄-၀) ဂိုးနဲ့ ဂိုးပြတ်အနိုင်ရခဲ့ပါတယ်။
ဒီပွဲမှာ ၁၈ နှစ်အရွယ် တောင်ပံကစားသမား လာမိန်းယာမဲလ်က သူ့ရဲ့ ပထမဆုံး ကမ္ဘာ့ဖလားဂိုးကို သွင်းယူခဲ့တာပါ။
သူ့ရဲ့ ခြေစွမ်းပြမှုကြောင့် စပိန်အသင်းရဲ့ တိုက်စစ်ဟာ အသက်ဝင်လာခဲ့ပြီး အရင်ပွဲကလို မဟုတ်ဘဲ တက်ကြွတဲ့ ကစားပုံကို ပြသနိုင်ခဲ့ပါတယ်။
ပရိသတ်တွေကလည်း သူ့နာမည်ကို အော်ဟစ်အားပေးခဲ့ကြတာပါ။ လာမိန်းယာမဲလ်ဟာ ဂိုးဧရိယာထဲ ဖြတ်တင်ဘောကို လျှောထိုးပိတ်သွင်းယူခဲ့တာပါ။
သူဟာ အသက် ၁၉ နှစ်မတိုင်ခင် ကမ္ဘာ့ဖလားမှာ ဂိုးသွင်းနိုင်တဲ့ သတ္တမမြောက် ကစားသမား ဖြစ်လာပါတယ်။
၁၈ နှစ် ဒါမှမဟုတ် ဒီထက်ငယ်တဲ့ ကစားသမားတွေထဲမှာ အဖွင့်ဂိုးသွင်းနိုင်သူအဖြစ် ၁၉၅၈ က ပီလီနောက်ပိုင်း ဒုတိယမြောက် ကစားသမားလည်း ဖြစ်ပါတယ်။
ဝိန်းရွန်နီကတော့ လာမန်းယာမဲလ်ဟာ အသင်းရဲ့ အဓိက ကစားသမား ဖြစ်လာကြောင်း ချီးကျူးပြောဆိုခဲ့ပါတယ်။
