လာမယ့် ဇွန်လ ၂၄ ရက်နေ့ကနေ ဇူလိုင်လ ၆ ရက်နေ့အထိ နေပြည်တော် မဏိရတနာ ကျောက်စိမ်းခန်းမနဲ့ ကျောက်မျက်ရတနာ ပြတိုက်တွေမှာ ကျင်းပမယ့် ၅၁ ကြိမ်မြောက် မြန်မာ့ကျောက်မျက်ရတနာ ပြပွဲမှာ ရောင်းချဖို့အတွက် ကျောက်စိမ်း ကျောက်မျက် အတွဲပေါင်း ၇၅၀၀ ကျော်လက်ခံ ရထားပြီး ဖြစ်တယ်လို့ ပွဲကျင်းပရေး တာဝန်ရှိသူတဦးက ပြောပါတယ်။
ပြီးခဲ့တဲ့ အကြိမ် ၅၀ မြောက်တုန်းက ကျောက်မျက် အတွဲပေါင်း ၁ သောင်းကျော် ပြသခဲ့ပေမယ့် အခုတစ်ခေါက် အချောထည်တွေကို ပိုပြီး ပြသသွားမယ်လို့ ဆိုပါတယ်။
ကျောက်စိမ်း အရိုင်းတုံးတွေကို ကြမ်းခင်းဈေး ဒေါ်လာ ၅၀၀၀ လောက်ကနေ ဒေါ်လာ ၅ သိန်းကျော်အထိ သတ်မှတ်ထားပြီး တင်ဒါစနစ်နဲ့ ရောင်းသွားမယ်လို့ လောင်ဗျစ် ကျောက်မျက်ကုမ္ပဏီ တာဝန်ရှိသူတဦးက ဒီဗွီဘီကို ပြောပါတယ်။
ပြပွဲမှာ တင်ရောင်းမယ့် ကျောက်မျက်တွေကို လာမယ့် ဇွန်လ ၁၁ ရက်နေ့အထိ ကော်မတီက စစ်ဆေး လက်ခံသွားမယ်လို့ သတင်းထုတ်ပြန်ထားပါတယ်။
