၂၀၂၆ ခုနှစ် ဇန်နဝါရီ ၁ ရက်ကနေ အောက်တိုဘာ ၂၈ ရက်အထိ ၁၀ လနီးပါးအတွင်း စစ်အာဏာရှင်တပ်ရဲ့ အကြမ်းဖက်မှုတွေကြောင့် မြန်မာနိုင်ငံတဝန်း အသက် ၁၈ နှစ်အောက် ကလေးသူငယ် ၂၃၀ ကျော် သေဆုံးခဲ့တယ်လို့ နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) က ထုတ်ပြန်ပါတယ်။
သေဆုံးသူတွေထဲက ကလေး ၁၄၈ ယောက်ကို AAPP က နာမည်နဲ့ အတည်ပြုထားနိုင်ပြီး အဲဒီအထဲမှာ မိန်းကလေး ၆၂ ယောက်၊ ယောကျ်ားလေး ၈၆ ယောက်ပါဝင်တယ်လို့ ဆိုပါတယ်။
နောက်ထပ် သေဆုံးတဲ့ ကလေး ၈၄ ယောက်ကိုတော့ အတည်ပြုဖို့ စုံစမ်းနေဆဲဖြစ်တယ်လို့ သိရပါတယ်။
သေဆုံးရတဲ့ အဓိကအကြောင်းရင်းတွေကတော့ စစ်အုပ်စုရဲ့ လေကြောင်းတိုက်ခိုက်မှုတွေကြောင့် ဖြစ်ပြီး ပဲခူးတိုင်းမှာ ၃၅ ယောက် သေဆုံးခဲ့လို့ အများဆုံး ဖြစ်နေပါတယ်။
အောက်တိုဘာ ၁၅ ရက်ကလည်း ပဲခူးတိုင်း အင်းမအခြေစိုက် တပ်မ (၆၆) ကနေ ပေါင်းတည်မြို့နယ်ထဲက ရွာတွေကို ပါရာမိုတာတွေနဲ့ ဗုံးကြဲခဲ့လို့ ခုတ်ကြီးရွာက ကလေး ၂ ယောက်အပါအဝင် ၃ ယောက် သေဆုံးခဲ့ရပါတယ်။
