ပဲခူတိုင်းဒေသကြီး ဝေါမြို့နယ်ရှိ မိုးယွန်းကြီးအင်းမှာ ရေနည်းပါးမှုကြောင့် ကျူးကျော်စိုက်ခင်းတွေ ၀င်ရောက် စိုက်ပျိုးနေကြကြောင်း မိုးယွန်းကြီးအင်း အုပ်ချုပ်ရေးမှူးနဲ့ သစ်တောဦးစီးမှူး ဦးခင်မောင်လှက ဒီဗွီဘီကို ပြောကြားပါတယ်။
“အခုချိန် နွေရာသီဆို အင်းမှာ ရေ ၂၃ ပေလောက် လိုတယ်။ ရေလှောင်ကန်ထဲ ပါဝင်တဲ့ အတွက် ဆည်မြောင်းဦးစီးဌာနကနေ ပေ ၂၀ လောက် ချပေးလိုက်ရင် ရေတွေ ကျသွားရော၊ အင်းအနေအထားအရ အနောက်ဘက်နယ်မြေက မြင့်တယ်၊ မြင့်တဲ့အပိုင်းတွေမှာ ရေကျသွားရင် အရင်ထဲက ရေကျနောက်စိုက် စပါးစိုက်တာ ရှိတယ်။ အဲဒါ ကျုးကျော်စပါးခေါ်လည်း ရတယ်။ မိသားစုစားဖို့ စိုက်ကြတာပေါ့။ ရေများများကျလေ တိုးချဲ့စိုက်ပျိုးလေပဲ။ တချို့နေရာတွေမှာ ဆက်ပြီး မကျူးကျော်ဖို့ ယာယီ တားမြစ်ထားရတယ်။”
ရေနည်းပါးလာတဲ့ မိုးယွန်းကြီးအင်းမှာ စက်လှေများ လက်ရှိအချိန်မှာ မသွားရောက်နိုင်ဘဲ ငှက်ကြည့်လေ့လာရေး ရပ်ထားတယ်လို့ အင်းထဲမှာ နေထိုင်သူတဦးကလည်း ပြောပါတယ်။
မိုးယွန်းကြီးအင်းပတ်ဝန်းကျင်မှာ ကျေးရွာ ၁၇ ရွာနဲ့ လူဦးရေ ၅ သောင်းလောက် နေထိုင်ပြီး အများစုမှာ အင်းအပေါ် မူတည်ကာ နေထိုင်စားသောက်ကြပါတယ်။
မိုးယွန်းကြီးအင်းမှာ ဒေသခံတွေကို စားဝတ်နေရေးအတွက် ငါးဖမ်းခွင့်ပြုထားပေမယ့် စီးပွားဖြစ်ငါးဖမ်းခွင့်ကို တားမြစ်ထားပြီး ငါးမျိုးနဲ့ငှက်မျိုး ပြုန်းတီးစေဖို့ ပြုလုပ်ပါက ဖမ်းဆီး အရေးယူကြောင်း မိုးယွန်းကြီးအင်း အုပ်ချုပ်ရေးမှူးနဲ့ သစ်တောဦးစီးမှူး ဦးခင်မောင်လှက ပြောပါတယ်။
မိုးယွန်းကြီးအင်းကို ၁၉၈၈ ခုနှစ်ကတည်း ဘေးမဲ့တောအဖြစ် သတ်မှတ်ခဲ့ပြီး ဧက ၂၅၆၀၀ ကျယ်ဝန်းပါတယ်။
ရန်ကုန်မြိုနဲ့ မိုင် ၇၀ ခန့်အကွာမှာ တည်ရှိပြီး မြန်မာနိုင်ငံရဲ့ တခုတည်းသော ရေတိမ်ဒေသနဲ့ ငှက်အများစု ကျက်စားရာနေရာလည်း ဖြစ်ပါတယ်။
ဒီအင်းမှာ ဌာနေငှက်မျိုးစိတ် ၁၂၅ မျိုးရှိပြီး ကမ္ဘာမှာက ရေတိမ်ဒေသအဖြစ် တရားဝင် သတ်မှတ်ခံထားရတဲ့ အင်းလည်း ဖြစ်ပါတယ်။
ပုံစာ-မိုးယွန်းကြီးအင်းကို မေ ၈ ရက်နေ့က တွေ့ရစဉ် (ဓာတ်ပုံ-ထွန်းထွန်းသိန်း)
