လာမယ့် ၂၀၁၆ ခုနှစ်ကို မြန်မာ့ခရီးသွားနှစ်အဖြစ် ဒုတိယအကြိမ် သတ်မှတ်ပြီး ခရီးသွား ၇ သန်းလောက် ၀င်အောင် ဆောင်ရွက်မယ်လို့ မြန်မာ့ခရီးသွားလုပ်ငန်း အဖွဲ့ချုပ် တာဝန်ရှိသူတဦးက အတည်ပြု ပြောဆိုပါတယ်။

အရင် စစ်အစိုးရလက်ထက် ၁၉၉၆ ခုနှစ်က မြန်မာ့ခရီးသွားနှစ်အဖြစ် သတ်မှတ် အကောင်အထည် ဖော်ခဲ့ပေ မယ့် အောင်မြင်မှုတော့ မရခဲ့ပါဘူး။

မြန်မာနိုင်ငံဟာ ၂၀၁၂ က နိုင်ငံခြားခရီးသည် ၁ သန်းဝင်ခဲ့ပြီး ၂၀၁၃ ခုနှစ်မှာ ခရီးသည် ၂ သန်း ၀င်ခဲ့ပါတယ်။

၂၀၁၄ မှာ ၃ သန်းဝင်လာအောင် ဆောင်ရွက်နေပြီး ခရီးသွားလုပ်ငန်းရဲ့ အခြေခံ အဆောက်အဦတွေ ဖြစ်တဲ့ ဟိုတယ်နဲ့ အပန်းဖြေစခန်းတွေ တိုးချဲ့ တည်ဆောက်နေတာအပြင် အီး - ဗီဇာစနစ်  အကောင်အထည် ဖော်ဖို့ လည်း ကြိုးစားနေတယ်လို့ ပြောပြပါတယ်။