မြန်မာနိုင်ငံအတွင်း နိုင်ငံခြားခရီးသည် ၀င်ရောက်မှု များလာတာနဲ့အတူ ခရီးသွားလုပ်ငန်း ၀န်ဆောင်မှုကုမ္ပဏီတွေ ထူထောင်မှု များလာပြီး ပြီးခဲ့တဲ့ ၃ လ အတွင်း ကုမ္ပဏီအသစ် ၉၀ နီးပါး ထပ်ပြီး ဖွင့်လှစ်ခဲ့တယ်လို့ ဟိုတယ်နဲ့ ခရီးသွားလာရေးဝန်ကြီးဌာန ထုတ်ပြန်ကြေညာချက်အရ သိရပါတယ်။

နှစ်စ ၃ လအတွင်း ခရီးသွားလုပ်ငန်း ၀န်ဆောင်မှုကုမ္ပဏီ ၉၀ နီးပါး တိုးလာတဲ့အတွက် မှတ်ပုံတင်ထားတဲ့ ကုမ္ပဏီ စုစုပေါင်း ၁၄၀၀ ကျော် အထိ ရောက်လာပါတယ်။

အခု အသစ်ထပ်ဖွင့်တဲ့ ကုမ္ပဏီ ၉၀ ကျော်မှာ နိုင်ငံခြားကုမ္ပဏီ ၁ ခု၊ ဖက်စပ်ကုမ္ပဏီ ၄ ခုနဲ့ ကျန်တာတွေကတော့ နိုင်ငံသားပိုင် ကုမ္ပဏီတွေ ဖြစ်ပါတယ်။

မြန်မာနိုင်ငံမှာ ၂၀၁၂ အတွင်း နိုင်ငံခြားသား ခရီးသည် ၂ သန်း နီးပါး ၀င်ရောက်ခဲ့ပြီး ၂၀၁၃ ခုနှစ်မှာတော့ ၃ သန်းနီးပါး ၀င်ရောက်ခဲ့တာ ဖြစ်ပါတယ်။