ပြီးခဲ့တဲ့ ဧပြီ ၁၇ ရက်နဲ့ ဧပြီ ၂၀ ရက်နေ့ ညနေပိုင်းက ရှမ်းပြည်နယ် တောင်ပိုင်း အင်းလေးဒေသမှာ လေပြင်းတိုက်ပြီး မိုးသီးတွေပါ ကြွေကျတဲ့အတွက် လူနေအိမ်ခြေ ၁၅၀ ကျော်နဲ့ စိုက်ပျိုးသီးနှံတွေ ဧက အတော်များများ ပျက်စီးဆုံးရှုံးသွားပါတယ်။
[caption id="attachment_55186" align="alignright" width="300"]
ဓာတ်ပုံ - Soe Min Latt's[/caption]
ဧပြီ ၁၇ ရက်နေ့ ညနေပိုင်း ၁ နာရီနီးပါး တိုက်ခတ်သွား တဲ့ လေပြင်းတွေကြောင့် အင်းလေးကန်အရှေ့ဘက် သလဲဦးကျေးရွာအုပ်စု ရွာပေါင်း ၆ ရွာက အိမ်ခြေ ၁၀၄ လုံး၊ အနောက်ဘက် ကျွန်းကြီးကျေးရွာအုပ်စု က နေအိမ် ၂၁ လုံး ၊ နန်းသဲ နဲ့ အိမ်ဒေါင့်ကြီးရွာက ၂၅ လုံး ၊ ညောင်ရွှေမြို့စွန် နမ့်ပန်ရွာက နေအိမ် ၂ လုံး၊ စုစုပေါင်း ၁၅၀ ကျော်ပျက်စီးပြီး အဲဒီထဲမှာ တဲအိမ်ပေါင်း ၃၀ ကျော် ပြိုကျသွားတယ်လို့ အင်းတိုင်းရင်းသားရေးရာဝန်ကြီး ဦးဝင်းမြင့်က ဒီဗွီဘီကို ပြောပါတယ်။
“လေဆင်နှာမောင်းလို လေပွေတွေ ဖြစ်ပေါ်တယ်။ အဲဒီမှာ မိုးသီးတွေပါကျတယ်။ မိုးသီးတွေက လောက်စာလုံးလောက်ကနေ လက်သီးဆုပ်လောက်နီးပါးရှိတယ်။ ဒါမျိုးကတော့ ကျနော်တို့ အင်းလေးဒေသမှာ နှစ်ပေါင်း ၅၀ - ၆၀ လောက်မှာ မကြုံဖူးသေးဘူး။”
ဒါ့အပြင် မူလတန်းကျောင်း ၂ ကျောင်းနဲ့ ဘုန်းကြီးကျောင်းဇရပ်ပါ ခေါင်မိုးလွင့်ထွက် သွားပြီး အင်းခြံခရမ်းချဉ်သီးစိုက်ခင်း ဧကပေါင်း ၈၀ ကျော်၊ မြေပဲစိုက်ခင်း ၁၅ ဧက နဲ့ နွေစပါးစိုင်ခင်း ဧက ၆၀ ကျော်လည်း လေပြင်းနဲ့ မိုးသီးတွေ ရိုက်ခတ်လို့ ပျက်စီးသွားကြောင်း ဦးဝင်းမြင့်က ဆက်ပြောပါတယ်။
နေအိမ်ပျက်စီးဆုံးရှုံးမှုတွေနဲ့ ပတ်သက်လို့ ဧပြီလ ၁၈ ရက်နေ့က ရှမ်းပြည်နယ်အစိုးရကနေ အိမ်တလုံးကို ကျပ် ၃ သောင်းစီ၊ စာသင်ကျောင်းနဲ့ ဇရပ်အတွက် ကျပ် ၁ သိန်းစီ ထောက်ပံ့ပေးခဲ့ပြီး လယ်ယာစိုက်ခင်း အတွက်တော့ ပြည်နယ်စိုက်ပျိုးရေး နဲ့ မြေစာရင်းဌာနက စာရင်းဇယားတွေ ကောက်ယူပြီးမှ ထောက်ပံ့ကူညီမှုတွေ ရမယ်လို့ သူက ဆက်ပြောပါတယ်။
အဲဒီနေ့က လေပြင်းတိုက်ပြီးတဲ့နောက် ဧပြီလ ၂၀ ရက်နေ့ ညနေပိုင်းမှာလည်း နောက် ထပ်လေပြင်းတိုက်ခတ်မှုတကြိမ် ပြန်ဖြစ်ခဲ့ပြီး နေအိမ် ၁၅ လုံးရှိတဲ့ အင်းမရွာမှာ ၄ အိမ်ပဲ အကောင်း ကျန်တယ်လို့ သလဲဦးရွာသားတဦးက ပြောပါတယ်။
ဒုတိယအကြိမ် ထိခိုက်ဆုံးရှုံးမှုအတွက် ဘာအကူအညီမှ မရသေးသလို ပထမအကြိမ် ဆုံးရှုံးမှုမှာ အစိုးရက ကူညီတဲ့ ကျပ် ၃ သောင်းဟာလည်း လောက်ငမှုမရှိကြောင်း ပြောပါတယ်။
“ဒီ ၃ သောင်းဆိုတာ လာလှူပေးတာ ကျနော်တို့လည်း ၀မ်းသာပါတယ်။ ဒါပေမယ့် အိမ်တလုံးဆောက်ရင်တော့ မနည်းစုရတာပေါ့။ အိမ်ဆောက်မယ်ဆိုရင် ၀ါးအိမ်ဆိုရင်တောင်မှ အနည်းဆုံး ၆ သိန်း၊ ၇ သိန်း ကုန်တယ်။ အင်းထဲကအိမ်ဆို တအားဆောက်ရခက်တယ်။ အခုလောလောဆယ်တော့ တတ်နိုင်သလောက်လေး ပြင်ပြီးနေရတာပေါ့နော်။ ရပ်ဝေးက အလှူတွေပါ ရောက်လာရင်တော့ ကျနော်တို့အတွက် ကံကောင်းမှာပေါ့။”
လေပြင်းတိုက်ခတ်မှုဒဏ်ခံရသူတွေကို တာဝန်ရှိသူတွေဘက်က ကူညီစောင့်ရှောက်မယ့်အစီအစဉ်တွေနဲ့ ပတ်သက်လို့ ပြည်နယ်ရဲရုံး နဲ့ အုပ်ချုပ်ရေးရုံးတွေ မေးမြန်းခဲ့ပေမယ့် မရခဲ့ပါဘူး။
