မြန်မာနိုင်ငံတွင်းက နိုင်ငံခြားအမှတ်တံဆိပ် စီးပွားရေးလုပ်ငန်းတွေဟာ ၂၀၁၀ ခုနှစ်ကနဲ့ နှိုင်းယှဉ်ရင် ၃ နှစ်အတွင်း ကြော်ငြာအသုံးစရိတ် ၃ ဆ နီးပါး တိုးမြှင့်သုံးစွဲခဲ့ကြတယ်လို့ Nielsen MMRD ဈေးကွက်သုတေသနကုမ္ပဏီက ပြုစုတဲ့ စစ်တမ်းမှာ ဖော်ပြထားပါတယ်။

နိုင်ငံခြား အမှတ်တံဆိပ်နဲ့ စီးပွားရေးလုပ်ငန်းတွေဟာ ပြီးခဲ့တဲ့ ၂၀၁၀ ခုနှစ်မှာ သတင်းစာ၊ ဂျာနယ်နဲ့ မဂ္ဂဇင်း အပါအ၀င် ရုပ်သံတွေမှာ ဒေါ်လာ ၂၆ သန်းဖိုး ကြော်ငြာခဲ့ကြပြီး ၂၀၁၃ ခုနှစ်မှာတော့ ဒေါ်လာ ၈၈ သန်းဖိုးနီးပါး သုံးစွဲခဲ့တယ်လို့ ဆိုပါတယ်။

ကြော်ငြာအတွက် ငွေကြေး အသုံးအများဆုံး ကုန်ပစ္စည်းတွေကတော့ သွားတိုက်ဆေး၊ ကော်ဖီမစ်၊ ခေါင်းလျော်ရည်၊ အလှအပ ပစ္စည်း၊ မိုဘိုင်းဖုန်းနဲ့ ဆက်စပ်ပစ္စည်းတွေလို့ ဖော်ပြ ထားပါတယ်။

Nielsen MMRD ဟာ အမေရိကန် အခြေစိုက် Nielsen Holding ကုမ္ပဏီနဲ့ မြန်မာနိုင်ငံ အခြေစိုက် MMRD ကုမ္ပဏီတို့ ပူးပေါင်းထားတဲ့ ဈေးကွက်သုတေသနကုမ္ပဏီတခု ဖြစ်ပါတယ်။