အပူဒဏ်နဲ့ ခရမ်းလွန်ရောင်ခြည် ကျရောက်မှု မြင့်တက်နေတာတွေကြောင့် အခုရက်ပိုင်း အရေပြား ယားယံပြီး အရေပြားလောင်သူတွေ၊ နုန်းပြီးမူးဝေသူတွေ အထူးသဖြင့် ကလေးသူငယ်နဲ့ သက်ကြီး ပိုင်းတွေမှာ အဖြစ်များလာတယ်လို့ ရန်ကုန်မြို့မှာ ကိုယ်ပိုင် ဆေးခန်းဖွင့် ဆေးကုသပေးနေတဲ့ ဒေါက်တာမြင့်ဦးက ပြောပါတယ်။
ဒီလို ဝေဒနာတွေ ခံစားလာရပြီး ဆေးခန်းလာပြသူဦးရေ ဒီရက်ပိုင်း ၂ ဆ မြင့်တက်လာတယ် လို့လည်း ပြောပါတယ်။
ဆီးချိုရောဂါရှိသူတွေ ကလေးသူငယ်တွေနဲ့ အသက် ၆၀၊ ၇၀၊ ၈၀ တန်းတွေ အပူဒဏ်ကြောင့် ရောဂါတိုးလာနိုင်လို့ သတိထားနေထိုင်ကြဖို့ ဒေါက်တာမြင့်ဦးက အကြံပေးပါတယ်။
တတ်နိုင်သမျှ အရိပ်အောက်နေကြဖို့နဲ့ နေပူထဲ ကားမောင်းသူတွေ ဆောက်လုပ်ရေး လုပ်ငန်းခွင်က အလုပ်သမားတွေ အရေပြားလောင်သလို အရေပြားဝေဒနာ ပိုခံစားရတာ တွေ့ရတာမို့ ဆင်ခြင်ကြဖို့လည်း သတိပေးပါတယ်။
ရန်ကုန်မြို့က ဒေါက်တာမြင့်ဦးကို ကိုရွှေအောင်က ဆက်သွယ်မေးမြန်းထားပါတယ်။
အသံဖိုင် နားဆင်ရန်
