၂၀၁၄ ခုနှစ် ပြည်လုံးကျွတ် သန်းခေါင်စာရင်းကောက်ယူရေးနဲ့ပတ်သက်ပြီး လူဝင်မှုကြီးကြပ်ရေး၊ ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးခင်ရီ နဲ့ တိုင်းရင်းသားကိုယ်စားလှယ်အဖွဲ့တွေ နေပြည်တော် Mount Pleasant ဟိုတယ်မှာ ဒီနေ့ တွေ့ဆုံဆွေးနွေးခဲ့ကြပါတယ်။

[caption id="attachment_31386" align="alignright" width="300"] ဦးခင်ရီ[/caption]ဆွေးနွေးပွဲမှာ တိုင်းရင်းသား ၁၀ ဖွဲ့က ကိုယ်စားလှယ် ၂၄ ဦးနဲ့ ၀န်ကြီး ဦးခင်ရီအပါဝင် ဗဟို သန်းခေါင်စာရင်းကော်မတီတို့ ဆွေးနွေးခဲ့ကြပါတယ်။

ပြီးခဲ့တဲ့ရက်သတ္တပတ်က တိုင်းရင်းသားအဖွဲ့အစည်းတွေက သူတို့ တိုင်းရင်းသားအဖွဲ့နဲ့ တွေ့ဆုံဆွေးနွေးပြီးမှသာ သန်းခေါင်စားရင်းကောက်ယူဖို့ တောင်းဆိုခဲ့ပြီး တွေ့ဆုံဆွေးနွေမှု မလုပ်ရင် ၂၀၁၄ သန်းခေါင်စာရင်းကောက်ယူမှုကို တားဆီးသွားမယ်လို့ ပြောဆိုခဲ့ပါတယ်။

ဒီသတင်းထွက်ပေါ်ပြီးနောက်ပိုင်း အခုလို တွေ့ဆုံဆွေးနွေးမှုတွေ ပြုလုပ်ခဲ့တာပါ။ မေးခွန်း ၄၁ ခုပါတဲ့ ၂၀၁၄ ခုနှစ် ပြည်လုံးကျွတ် သန်းခေါင်စာရင်းကို မတ် ၃၀ ရက်နေ့ကစတင်ပြီး ဧပြီ ၁၀ ရက်နေ့အထိ ကောက်ခံသွားမှာ ဖြစ်ပါတယ်။