မန်ချက်စတာယူနိုက်တက်အသင်းကနေ တခြားကလပ်တွေဆီ အငှားထွက်ကစားခဲ့ကြတဲ့ တိုက်စစ်မှူး မားကပ်စ်ရက်ရှ်ဖို့ဒ်နဲ့ ဂိုးသမား အန်ဒရေအိုနာနာ တို့ဟာ အပြောင်းအရွှေ့ကိစ္စ မရေမရာ ဖြစ်နေပြီးနောက် ရာသီကြိုလေ့ကျင့်ခန်းအတွက် ယူနိုက်တက်ဆီ ပြန်လာဖို့ ရှိနေပါတယ်။

ဘာစီလိုနာမှာ ကစားခဲ့တဲ့ ရက်ရှ်ဖို့ဒ်ကို ဘာကာဘက်က ပေါင် ၂၆ သန်း အပြည့်မပေးချင်ဘဲ ထက်ဝက်သာ ပေးလိုတာကြောင့် အပြောင်းအရွှေ့ ကြန့်ကြာနေပြီး ကမ္ဘာ့ဖလားအပြီးမှာ အသင်းသစ်မရပါက ယူနိုက်တက်ဆီ ပြန်လာရမှာပါ။

အလားတူ တူရကီကလပ် ထရက်ဘ်ဇွန်စပေါ်မှာ အငှားသွားကစားခဲ့တဲ့ အိုနာနာ ဟာလည်း ယူနိုက်တက်မှာ နေရာမရှိတော့ပေမဲ့ အသင်းသစ် မတွေ့မချင်း ရာသီကြိုပွဲစဉ်တွေအတွက် ပြန်လာရမဲ့ အခြေအနေမှာ ရှိနေပါတယ်။