ချမ်းမြသာစည်မြို့နယ်၌ ဗုံးပေါက်ကွဲပြီး လူ ၂ ဦး သေဆုံး
DVB
·
March 15, 2022
မန္တလေး၊ ချမ်းမြသာစည်မြို့နယ်၊ ရန်ကုန် - မန္တလေး စက်ဘီးဆိုင်ကယ်လမ်းနဲ့ သိပ္ပံလမ်းအနီးမှာ မတ်လ ၁၄ ရက် ညနေ ၆ နာရီကျော်လောက်က ဗုံးပေါက်ကွဲပြီး လူ ၂ ဦးသေဆုံးခဲ့ပါတယ်။
ဆိုင်ကယ် Tool Box အတွင်းက ပေါက်ကွဲပြီး အမျိုးသား ၂ ယောက်လုံး သေဆုံးခဲ့ကာ တစ်ဦးမှာ အပိုင်းပိုင်း ပြတ်သွားတယ်လို့ သိရပါတယ်။
“သေဆုံးတဲ့ ရုပ်အလောင်းတွေကို လူမှုကူညီရေးအသင်းတွေ ကောက်ခွင့်ပေးမထားဘူး။ နောက်ပြီး အဲ့ဒီနားကို လမ်းပိတ်ထားတယ်။” လို့ လူမှုကူညီရေးအသင်းတခုမှ တာဝန်ရှိသူ က ပြောပါတယ်။
အောင်မြေသာစံမြို့နယ် ၁၂လမ်း နဲ့ လမ်း ၈၀ အနီးမှာလည်း မနေ့ ည ၇ နာရီလောက်က လက်လုပ်မိုင်းတစ်လုံး ကွဲခဲ့ပြီး လူထိခိုက်ဒဏ်ရာရတာနဲ့ ပျက်စီးတာ မရှိခဲ့ပါဘူး။
ဒါ့အပြင် မကြာခဏ ဗုံးနဲ့ ပစ်ခံနေရတဲ့ မဟာအောင်မြေမြို့နယ် ၃၆လမ်း၊ ၆၉ လမ်း နဲ့ ၇၀ ကြားရှိ စည်ပင်ဝန်ထမ်းအိမ်ရာမှာလည်း ည ၈ နာရီကျော်က ပေါက်ကွဲခဲ့ပါတယ်။
