Home
မြန်မာသတင်း
သာပေါင်းမြို့နယ်တွင် ဒုရဲအုပ် ၁ ဦး မိမိကိုယ်ကိုယ် သေနတ်ဖြင့်ပစ်ပြီး အဆုံးစီရင်
DVB
·
February 17, 2022
273835874_1281868865630787_6018533847456515156_n

ဧရာဝတီတိုင်း၊ သာပေါင်းမြို့နယ်မှာ ပြီးခဲ့တဲ့ရက်ပိုင်းက ဒုရဲအုပ်တယောက်ဟာ မိမိကိုယ်ကိုယ် ခြောက်လုံးပြူးသေနတ်နဲ့ ပြန်ပစ်ပြီး အဆုံးစီရင်ခဲ့တယ်လို့ သိရပါတယ်။

အဆုံးစီရင်ခဲ့တဲ့ ဒုရဲအုပ်ဟာ လှေကြီးတက်ရွာက စက္ကူပျော့ဖက်စက်ရုံမှာ ရဲကင်းမှူးလုပ်နေတဲ့ အသက်ကြီး ဒုရဲအုပ်ဖြစ်ပြီး သူ့ရဲ့ရက်လည်ကိုတော့ ဖေဖော်ဝါရီလ ၁၆ ရက်နေ့က ပြုလုပ်ခဲ့တယ်လို့ ဒေသခံတဦးက ပြောပါတယ်။

“အသက်ကတော့ ကြီးနေပြီး အဲ့ဒုရဲအုပ်က သဘောကောင်းတယ်။ သိသလောက်တော့ သူက ရွာကို တော်တော် ကာကွယ်ပေးခဲ့တာရှိတယ်။ အဖမ်းအဆီးခံရတာမများအောင် သူတတ်နိုင်သလောက် ကွယ်ပေးခဲ့တယ်။ ဘယ်လို ဖြစ်ပြီး အဆုံးစီရင်သွားတယ်ဆိုတာတော့မသိဘူး”လို့ ဒေသခံတဦးက ပြောပါတယ်။

သေဆုံးခဲ့တဲ့ ဒုရဲအုပ်ဟာ စစ်တပ်အာဏာသိမ်းပြီးနောက်ပိုင်း သက်ကြီးပင်စင်တင်ခဲ့ပေမဲ့ အထက်က ပင်စင်ချမပေးတာကြောင့် စိတ်ညစ်ပြီး ခုလို့ အဆုံးစီရင်သွားတာဖြစ်နိုင်တယ်လို့ ရဲတပ်ဖွဲ့ဝင်တွေက သုံးသပ် ပြောဆိုပါတယ်။

ဧရာဝတီတိုင်းမှာ ၂၀၁၉ ခုနှစ်ကလည်း မြောင်းမြမြို့နယ်အတွင်းက နယ်မြေရဲစခန်းမှူး ရဲအုပ်တယောက် မိမိကိုယ်ကို သေနတ်နဲ့ပစ်သတ်ပြီး အဆုံးစီရင်မှုဖြစ်ခဲ့သေးတယ်လို့ ရဲတပ်ဖွဲ့က သိရပါတယ်။

Live

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024