လာမယ့် ဖေဖေါ်ဝါရီ ၁၂ ရက်နေ့ကို Black TV Day အဖြစ် သတ်မှတ်ပြီး စစ်ကောင်စီလက်အောက်ခံ မီဒီယာတွေကို မကြည့်ဘဲ သပိတ်မှောက်ဖို့  Campaign လှုပ်ရှားမှုတခု လူမှုကွန်ရက်မှာ စတင်နေပါတယ်။ 

Black TV Day ဆိုတာ စစ်ကောင်စီကလွှင့်တဲ့ ဝါဒဖြန့်မှုမှန်သမျှကို ဆိုရှယ်မီဒီယာမှာ Like မလုပ်တာ၊ မ Share တာ၊ Comment မရေးတာ၊ Troll မလုပ်တာ၊ စစ်ကောင်စီလက်အောက်ခံ ရုပ်သံလိုင်းတွေက ထုတ်လွှင့်သမျှကိုမကြည့်တာ၊ စစ်အုပ်စုထုတ် သတင်းစာတွေကို မဖတ်တာ စတဲ့ လှုပ်ရှားမှုဖြစ်ပါတယ်။

ဖေဖေါ်ဝါရီ ၁၂ ရက် စိန်ရတုပြည်ထောင်စုနေ့မှာ အာဏာသိမ်းစစ်ခေါင်းဆောင်က ဗိုလ်ရှူခံသဘင်ကို ကျင်းပဖို့စီစဉ်နေချိန် Black TV Day Campaign လှုပ်ရှားမှုတွေ ပြုလုပ်လာကြတာလည်း ဖြစ်ပါတယ်။