မန္တလေး၊ ချမ်းမြသာစည်မြို့နယ် Police Box အနီး ဗုံးပေါက်ကွဲ

မန္တလေးမြို့၊ ချမ်းမြသာစည်မြို့နယ်၊ ရန်ကုန် - မန္တလေးလမ်းနဲ့ သိပ္ပံလမ်းထောင့်ရှိ Police Box အနီး ဒီဇင်ဘာ ၁၆ ရက် မနက် ၉ နာရီဝန်းကျင်က ဗုံးပေါက်ကွဲမှုဖြစ်ခဲ့ပါတယ်

ဗုံးပေါက်ကွဲမှုကြောင့် ဆိုင်ကယ်မောင်း အမျိုးသားတယောက် အနည်းငယ် ထိခိုက်ဒဏ်ရာရခဲ့တယ်လို့ သိရပါတယ်။

“ကျနော်တို့ ကညန နားမှာရှိနေတဲ့အချိန် ဗုံးကွဲတာ။ အရင်က အဲ့ဒီနားမှာ ယာဉ်ထိန်းနဲ့ အရပ်ဝတ် တွေရှိတတ်တယ်။ ဒီနေ့တော့ မတွေ့မိဘူး။ လမ်းသွားလမ်းလာတစ်ဦးတော့ ထိခိုက်တယ်။” လို့ အနီးနားနေ ပြည်သူတစ်ဦးက ပြောပါတယ်။

ဗုံးပေါက်ကွဲမှုဖြစ်ပြီးမှာ စစ်ကောင်စီတပ်သားတချို့ ရောက်ရှိလာကာ စစ်ဆေးတာတွေ လုပ်ခဲ့ကြပါတယ်။