တရုတ်သမ္မတ ရှီကျင့်ဖျင်က အာရပ်စော်ဘွားများ ပြည်ထောင်စု အိမ်ရှေ့မင်းသားနဲ့ ဧပြီ ၁၄ ရက်မှာ တွေ့ဆုံပြီး တရုတ်နဲ့ အာရပ်ကမ္ဘာအကြား ဆက်ဆံရေးကို ခိုင်မာစေဖို့ တောင်းဆိုခဲ့ပြီး ကမ္ဘာလုံးဆိုင်ရာ စိန်ခေါ်မှုတွေနဲ့ မြန်ဆန်တဲ့ ပြောင်းလဲမှုတွေကြားမှာ ခိုင်မာတက်ကြွတဲ့ မိတ်ဖက်ဆက်ဆံရေး ရှိဖို့လိုတယ်လို့ အလေးပေးပြောခဲ့ပါတယ်။
ရှီက အာရပ်စော်ဘွားများ ပြည်ထောင်စု UAEရဲ့ အိမ်ရှေ့မင်းသား ရှိတ်ခ် ခါလက် ဘင် မိုဟာမက် ဘင် ဇေယက် အယ်လ် နာယန်ကို တရုတ်မြို့တော် ဘေဂျင်းမှာ လက်ခံတွေ့ဆုံချိန်မှာ ခုလို ပြောခဲ့တာပါ။
လူ့အဖွဲ့အစည်းဟာ ငြိမ်းချမ်းရေးနဲ့ စစ်ပွဲရွေးချယ်မှုတွေအပြင် စည်းလုံးညီညွတ်မှုနဲ့ ထိပ်တိုက်ရင်ဆိုင်မှုတွေကို ရင်ဆိုင်နေရလို့ ပိုကြီးတဲ့ ညှိနှိုင်းဆောင်ရွက်မှုနဲ့ ပူးပေါင်းဆောင်ရွက်မှု လိုအပ်တယ်လို့ ရှီက ပြောခဲ့တဲ့အကြောင်း မီဒီယာတွေက အစီရင်ခံပါတယ်။
အမေရိကန်နဲ့ အီရန်အကြား သီတင်းပတ်ချီကြာတဲ့ စစ်ပွဲနဲ့ ဆွေးနွေးပွဲတွေအတွင်း စစ်ပွဲအဆုံးသတ်ဖို့ သဘောတူညီချက် မရခဲ့တဲ့နောက် ပင်လယ်ကွေ့ဒေသမှာ တင်းမာမှု ပြင်းထန်နေချိန်မှာ UAE အိမ်ရှေ့မင်းသားရဲ့ ခရီးစဉ် ပေါ်ပေါက်ခဲ့တာလည်း ဖြစ်ပါတယ်။
