စစ်တပ်ပိုင် ကပစ လို့ခေါ်တဲ့ ကာကွယ်ရေးပစ္စည်း ထုတ်လုပ်ရေး ညွှန်ကြားရေးမှူးရုံးက အရာရှိကြီး ၁ ဦးနဲ့ ကုမ္ပဏီ ၃ ခုကို မြောက်ကိုရီးယားနဲ့ လက်နက်ရောင်းဝယ်ရေးမှာ ပါဝင်ပတ်သက်နေတယ် ဆိုပြီး အမေရိကန် အစိုးရက ဒါဏ်ခတ် ပိတ်ဆို့တဲ့ စာရင်းမှာ ထည့်သွင်း ဖော်ပြလိုက်ပါတယ်။

[caption id="attachment_48679" align="alignright" width="300"] လက်နတ်တွေ သယ်ဆောင်လာတဲ့ မြောက်ကိုရီးယား သင်္ဘောတစီးကို ပနားမား တူးမြောင်းတွင် ဖမ်းဆီးရမိစဉ် (ဓာတ်ပုံ - Reuters)[/caption]အမေရိကန် ဘဏ္ဍာရေးဝန်ကြီးဌာနက ဒီဇင်ဘာ ၁၇ ရက်နေ့စွဲနဲ့ ထုတ်ပြန်တဲ့စာမှာ ကပစ ကိုယ်စား ဒုဗိုလ်မှူးကြီး ကျော်ညွှန့်ဦး၊ Asia Metal၊ စိုးမင်းထိုက်နဲ့ Excellence Mineral ကုမ္ပဏီတွေကို နာမည်ပျက်စာရင်း သွင်းလိုက်တာပါ။

ပြီးခဲ့တဲ့ ၂၀၁၃ ဇူလိုင်လတုန်းကလည်း စစ်တပ် ကကထုတ် အကြီးအကဲ ဒုဗိုလ်ချုပ်ကြီး သိန်းဌေး ကိုလည်း မြောက်ကိုရီးယားနဲ့ လက်နက်ရောင်းဝယ်မှုမှာ ပတ်သက်ခဲ့တယ်ဆိုပြီး ပိတ်ဆို့ ဒါဏ်ခတ်တဲ့စာရင်းမှာ ထည့်သွင်းခဲ့ပါသေးတယ်။