ကိုဗစ်-၁၉ တတိယလှိုင်း ကူးစက်မှုတွေ မြင့်တက်နေတဲ့ ထိုင်းနိုင်ငံမှာ တရက်တည်း ကိုဗစ်-၁၉  ပိုးတွေ့လူနာသစ်  ၂၀,၅၁၅ ယောက်ရှိခဲ့ပြီး ရောဂါကူးစက်ခံရသူ စုစုပေါင်း ၁ သန်းနီး ပါး ရှိလာနေပြီ ဖြစ်ပါတယ်။

ပြီးခဲ့တဲ့ ၂၄ နာရီအတွင်း သေဆုံးသူအသစ် ၃၁၂ ယောက်ရှိခဲ့ပြီး ကူးစက်မှုအသစ် ၂ သောင်းကျော်ထဲမှာ ထိုင်းနိုင်ငံတဝန်းအကျဉ်းထောင်တွေထဲက ၂၄၈ ယောက် ပါဝင်တယ် လို့ ဆိုပါတယ်။

တချိန်တည်းမှာပဲ ရောဂါပြန်လည် ပျောက်ကင်းသက်သာလာတဲ့အတွက် ဆေးရုံ က ဆင်းခွင့်ရသူ အရေအတွက်ကတော့ ၂၂,၆၈၂ ယောက် ရှိနေခဲ့တာပါ။

ထိုင်းနိုင်ငံတဝန်းမှာတော့ ကိုဗစ်-၁၉ ရောဂါစတင် ကူးစက်ချိန်ကတည်းက လက်ရှိ အချိန်ထိ ရောဂါကူးစက်ခံရသူ စုစုပေါင်း ၉၆၈,၉၅၇ ယောက်၊ ရောဂါပြန်လည် ပျောက် ကင်းသက်သာလာသူ အရေအတွက် ၇၅၃,၁၁၉ ယောက်နဲ့ ဆေးရုံတက်ရောက်ကုသမှု ခံ ယူနေသူအရေအတွက် ၂၀၇,၅၅၃ ယောက်နဲ့ သေဆုံးသူ ၈,၂၅၈ ယောက် ရှိနေခဲ့တာ ဖြစ် ပါတယ်။

ကိုဗစ်-၁၉ ကာကွယ်ဆေး ထိုးနှံမှု အစီအစဉ်မှာတော့ ထိုင်းပြည်သူ ၃၅၅,၄၀၈ ယောက်ကတော့ ပထမတကြိမ် ထိုးနှံပြီးဖြစ်ကာ ၂ ကြိမ်ထိုးနှံပြီးသူ အရေအတွက် ၁၅၃,၅၁၉ ယောက်၊ ၃ ကြိမ် ထိုးနှံပြီးသူ အရေအတွက် ၉,၁၉၁ ယောက်ရှိနေပြီး ကာကွယ် ဆေးထိုးနှံပြီးသူ စုစုပေါင်း ၂၄ ဒသမ ၆ သန်းကျော် ရှိနေခဲ့ပြီ ဖြစ်ပါတယ်။

ကမ္ဘာတဝန်းမှာတော့ လက်ရှိအချိန်ထိ ကိုဗစ်-၁၉ ရောဂါကူးစက်ခံရသူပေါင်း ၂၀၉ သန်းကျော်၊ ရောဂါပြန်လည် ပျောက်ကင်းသက်သာလာသူပေါင်း ၁၈၇ ဒသမ ၆ သန်း ကျော်နဲ့ သေဆုံးသူပေါင်း ၄ ဒသမ ၄ သန်းနီးပါး ရှိနေခဲ့တယ်လို့ Worldometer ဝက်ဘ် ဆိုက်ဒ်မှာ ဖော်ပြထားပါတယ်။

နေ့စဉ်ကိုဗစ်-၁၉ ရောဂါကူးစက်မှုတွေ မြင့်တက်နေတဲ့ ထိုင်းနိုင်ငံကတော့ ကမ္ဘာ့ နိုင်ငံတွေထဲ ရောဂါကူးစက်မှု အမြင့်ဆုံးအဆင့် ၃၄ နေရာ ကို ရောက်ရှိနေခဲ့တာဖြစ်ပြီး ထိပ်ဆုံးမှာတော့ အမေရိကန်က ၃၇ ဒသမ ၉ သန်းကျော်၊ အိန္ဒိယက ၃၂ ဒသမ ၂ သန်း ကျေိာ်၊ ဘရာဇီးက ၂၀ ဒသမ ၄ သန်းကျော်စီ အသီးသီး ကူးစက်ခံထားရပါတယ်။