ရန်ကုန်မြို့မှာ ရက် ၂၀ အတွင်း ကန့်သတ်လမ်းတွေပေါ် စည်းကမ်းဖောက်ဖျက် ရပ်နားထားတဲ့ ကားအစီး ၄၇၀ ကျော် ကို အရေးယူခဲ့တယ်လို့ ယာဉ်ထိန်းရဲတပ်ဖွဲ့မှူးရုံးကနေ စုံစမ်းသိရပါတယ်။

အဲဒီအထဲက ကားအစီး ၃၂၀ ကျော်ကနေ ဒဏ်ကြေးငွေ ကျပ် သိန်း ၈၀ ကျော် ရခဲ့ပြီး တရားစွဲဖို့ နောက်ထပ်အစီး ၁၅၀ ကျော် ကျန်သေးတယ်လို့ ဆိုပါတယ်။

အဲဒီကားတွေအတွက် ကရိန်းနဲ့ဆွဲယူခ ခရီးအနီးအဝေး လိုက်ပြီး ၁ စီးကို ကျပ် ၅ သောင်းကနေ ၇ သောင်းပေးရတာကြောင့် ကရိန်းဆွဲခ စုစုပေါင်း ကျပ် သိန်း ၂၃၀ ကနေ သိန်း ၃၀၀ အကြား ကုန်ကျခဲ့ပြီးဖြစ်မယ်လို့ ကရိန်းကားဆွဲသူ တဦးက တွက်ပြပါတယ်။

ယာဉ်ထိန်းဌာနအနေနဲ့ စည်းကမ်းဖောက်ယာဉ်တွေကို ဒဏ်ငွေ အများဆုံး ကျပ် ၅ သိန်းအထိ ချနိုင်တဲ့ ဥပဒေ ရှိပေမယ့် အခု တစီး ကျပ် နှစ်သောင်းခွဲပဲ ဒဏ်ရိုက်တယ်လို့ ရှင်းပြပါတယ်။