ကန်ပိုက်တီမြို့တွင် အုပ်ချုပ်ရေးမှူးများ၏ သားသမီး ၄ ဦးသာ ကျောင်းအပ်
DVB
·
June 3, 2021
ကချင်ပြည်နယ်၊ မြစ်ကြီးနားခရိုင်ရှိ တရုတ်-မြန်မာနယ်စပ် ကန်ပိုက်တီမြို့မှာ မြို့အုပ်ချုပ်မှူးရဲ့ ကလေးအပါအ၀င် စုစုပေါင်း ၄ ယောက်သာ ကျောင်းလာအပ်နှံတယ်လို့ ဒေသခံတွေ ဆီကသိရပါတယ်။
မြို့အုပ်ချုပ်ရေးမှူးနဲ့ ရက်ကွက်အုပ်ချုပ်ရေးမှူးရဲ့ သားသမီး ၂ ယောက်စီ စုစုပေါင်း ၄ ယောက် လာရောက် အပ်နှံခဲ့တယ်လို့ အမည်မဖော်လိုတဲ့ ၀န်ထမ်းတစ်ဦးက အတည်ပြုပါတယ်။
အဆိုပါ ကန်ပိုက်တီ အထကကျောင်းမှာ ကျောင်းအုပ်ဆရာမကြီးအပါအ၀င် CDM မလုပ်တဲ့ ဆရာမ ၄ ဦးနဲ့သာလည်ပတ်နေပြီး မူလတန်းအထိသာ ကျောင်းအပ်လက်ခံနိုင်တာဖြစ်ပါတယ်။
ပြီးခဲ့လက ကျောင်းအုတ်တံတိုင်းအပါအ၀င် တစ်မြို့လုံးမှာ နွေဦးတော်လှန်ရေး စာသားတွေရေးဆွဲကာ စစ်ကျွန်ပညာရေးဆန့်ကျင် တော်လှန်ခဲ့တာကြောင့် မြို့အုပ်ချုပ်ရေးက ဖမ်း၀ရမ်း ဆုငွေထုတ်ခဲ့ပါတယ်။
Live
