စစ်ကိုင်းတိုင်းဒေသကြီး၊ ဒီပဲယင်းမြို့နယ်မှာ မေလ ၂၈ ရက်နေ့က ဒီပဲယင်းမြို့နယ်ပြည်သူ့ကာကွယ်ရေးတပ်ဖွဲ့ PDF(PDY) ကို ဖွဲ့စည်းလိုက်တယ်လို့ ကြေညာချက်ထုတ်ပြန်လိုက်ပါတယ်။

ပြည်သူလူထုနဲ့ တိုင်းရင်းသားတွေအပေါ် စစ်အင်အားအလုံးအရင်းနဲ့ ရက်ရက်စက်စက်ပစ်ခတ်သတ်ဖြတ်နေတဲ့ အကြမ်းဖက်စစ်ကောင်စီရဲ့ အန္တရာယ်ကနေ ကာကွယ်နိုင်ဖို့ရည်ရွယ်ပြီး ဖွဲ့စည်းလိုက်တာလို့ ဆိုပါတယ်။

အမျိုးသားညီညွှတ်ရေးအစိုးရ NUG ၏ ပြည်သူ့ကာကွယ်ရေးတပ်မတော် PDF ရဲ့ ကာကွယ်ရေးဆိုင်ရာမူဝါဒတွေကို တိကျစွာလိုက်နာသွားမှာဖြစ်ပြီး ပြည်သူလူထုနဲ့ CDM ဝန်ထမ်းတွေကို ဖမ်းဆီး၊ ခြိမ်းခြောက်၊ သတ်ဖြတ်သူတွေကို ရရာနည်းနဲ့ ခုခံတော်လှန်သွားမယ်လို့ ကြေညာချက်မှာ ဖော်ပြထားပါတယ်။

ဒီပဲယင်းမြို့နယ် ပြည်သူ့ကာကွယ်ရေးတပ်ဖွဲ့ကို မေလ ၁၅ ရက်နေ့က စတင်ဖွဲ့စည်းခဲ့ပြီး ဒီကနေ့ ထုတ်ပြန်ကြေညာခဲ့တာပါ။