အာဆီယံနိုင်ငံတွေထဲ ကိုဗစ်-၁၉ တရက်အတွင်း ရောဂါကူးစက်မှုအသစ် ၁၆,၆၂၉ ယောက် ရှိခဲ့ပြီးနောက် ဒေသတွင်း ရောဂါကူးစက်ခံရသူပေါင်း ၃ ဒသမ ၇၂ သန်းထိ ရှိလာခဲ့ပြီလို့ သည်နေးရှင်း ထိုင်းသတင်းမှာ ဖော်ပြပါတယ်။

သေဆုံးမှုအသစ်အနေနဲ့ ၃၆၆ ယောက်ရှိခဲ့ပြီး ဒေသတွင်း ကိုဗစ်-၁၉ ရောဂါကူး စက်ခံရပြီး သေဆုံးသူပေါင်း ၇၃,၉၃၄ ယောက်ထိ ရှိလာခဲ့ပြီ ဖြစ်ပါတယ်။

အာဆီယံနိုင်ငံတွေထဲ ကူးစက်မှုအမြင့်ဆုံးနိုင်ငံဖြစ်တဲ့ အင်ဒိုနီးရှားနိုင်ငံမှာတော့ တရက်တည်း ကူးစက်မှုအသစ် ၄,၁၈၅ ယောက်နဲ့ စုစုပေါင်း ကိုဗစ်-၁၉ ရောဂါကူးစက်ခံ ရသူ ၁ ဒသမ ၇ သန်းကျော်၊ သေဆုံးမှုအသစ် ၁၇၂ ယောက်နဲ့ စုစုပေါင်း သေဆုံးသူ ၄၈,၄၇၇ ယောက် ရှိနေပါတယ်။

သူ့နောက်မှာတော့ ဖိလစ်ပိုင်နိုင်ငံက ကိုဗစ်-၁၉ ရောဂါကူးစက်ခံရသူစုစုပေါင်း ၁ ဒသမ ၁ သန်းကျော်၊ သေဆုံးသူ စုစုပေါင်း ၁၉,၀၀၀ ကျော်နဲ့ ရှိနေတာ ဖြစ်ပါတယ်။

အဲဒီနောက် တတိယမြောက် ကိုဗစ်-၁၉ ရောဂါကူးစက်မှု အမြင့်ဆုံးနိုင်ငံအဖြစ် မလေးရှားနိုင်ငံက ရောဂါကူးစက်ခံရသူစုစုပေါင်း ၄ သိန်း ၇ သောင်းကျော်၊ သေဆုံးသူ စုစုပေါင်း ၂,၀၀၀ နီးပါးနဲ့ ရှိနေတာ ဖြစ်ပါတယ်။

လတ်တလော ကိုဗစ်-၁၉ တတိယလှိုင်း ကူးစက်မှုတွေ မြင့်တက်နေတဲ့ ထိုင်းနိုင်ငံ မှာတော့ ရောဂါကူးစက်ခံရသူစုစုပေါင်း ၁ သိန်းကျော်လာခဲ့ပြီဖြစ်ကာ သေဆုံးသူ စုစ ပေါင်း ၆၄၉ ယောက် ရှိနေတာ ဖြစ်ပါတယ်။

အဲဒီနောက်မှာတော့ စင်ကာပူနိုင်ငံက ရောဂါကူးစက်ခံရသူစုစုပေါင်း ၆၁,၀၀၀ ကျော်၊ သေဆုံးသူ စုစုပေါင်း ၃၁ ယောက်နဲ့ ရှိနေတာ ဖြစ်ပါတယ်။

ကမ္ဘောဒီးယားနိုင်ငံမှာတော့ ကိုဗစ်-၁၉ ရောဂါကူးစက်ခံရသူစုစုပေါင်း ၂၂,၀၀၀ ကျော်၊ သေဆုံးသူ စုစုပေါင်း ၁၅၆ ယောက် ရှိနေတာ ဖြစ်ပါတယ်။

ဗီယက်နမ်နိုင်ငံမှာတော့ ရောဂါကူးစက်ခံရသူစုစုပေါင်း ၄,၅၀၀ ကျော်၊ သေဆုံးသူ စုစုပေါင်း ၃၇ ယောက် ရှိနေတာ ဖြစ်ပါတယ်။

လာအိုနိုင်ငံမှာတော့ ရောဂါကူးစက်ခံရသူစုစုပေါင်း ၁,၆၀၀ ကျော်၊ သေဆုံးသူ ၂ ယောက် ရှိနေတာ ဖြစ်ပါတယ်။

ဘရူနိုင်းနိုင်ငံမှာတော့ ရောဂါကူးစက်မှုအသစ်မရှိပဲ ကိုဗစ်-၁၉ ရောဂါကူးစက်ခံရ သူစုစုပေါင်း ၂၃၂ ယောက်၊ သေဆုံးသူ ၃ ယောက် ရှိနေခဲ့ပြီ ဖြစ်ပါတယ်။