အင်ဒိုနီးရှားနိုင်ငံ၊ မာဒူရာကျွန်းနားမှာ ကူးတို့သင်္ဘောတစင်း မီးလောင်လို့ လူ ၅ ယောက်ထက်မနည်း သေဆုံးပြီး ၄၁ ယောက် ပျောက်ဆုံးနေတယ်လို့ ရှာဖွေကယ်ဆယ်ရေးအေဂျင်စီက ထုတ်ပြန်ပြောပါတယ်။

ကူးတို့သင်္ဘောပေါ်မှာ ခရီးသည် ၂၇၁ ယောက်နဲ့ သင်္ဘောသားတွေကို တင်ဆောင်လာခဲ့ပြီး ၂၂၅ ယောက်ကို ကယ်တင်နိုင်ခဲ့တယ်လို့ ဩဂုတ် ၂ ရက် မွန်းလွဲပိုင်းမှာ အေဂျင်စီရဲ့ အချက်အလက်တွေက ပြထားပါတယ်။

ရှာဖွေကယ်ဆယ်ရေး လုပ်ငန်းတွေကို ဆက်လုပ်နေတုန်းပဲလို့လည်း  ထပ်ပြောပါတယ်။

ကူးတို့သင်္ဘောဟာ အရှေ့ဂျာဗားပြည်နယ် ဆူရာဘာယာကနေ တောင်ဆူလာဝေစီပြည်နယ် မာကာဆာမြို့ဆီ ဦးတည်နေချိန်မှာ ခုလိုဖြစ်တာပါ။

ကူးတို့သင်္ဘော ဘယ်လိုမီးလောင်ခဲ့တယ်ဆိုတာကို ရှင်းရှင်းလင်းလင်း မသိရသေးပေမဲ့ တနင်္ဂနွေမနက်မှာ ဖြစ်ပွားခဲ့တာလို့ ကြေညာချက်မှာ  ဖော်ပြပါတယ်။

Source: Reuters