စစ်ကိုင်းတိုင်း မုံရွာမြို့မှာ  ပုဒ်မ ၅၀၅(က)နဲ့ တရားစွဲဆိုအမှုဖွင့်ခံထားရတဲ့  မပြည့်ဖြိုးသူကို အကြမ်းဖက်စစ်အုပ်စုက ဧပြီ ၁၃ ရက်နေ့ မနက်စောပိုင်းမှာ ဖမ်းဆီးလိုက်ပါတယ်။ 

မပြည့်ဖြိုးသူရဲ့ မိသားစုဝင်တွေနဲ့ ဆက်သွယ်လို့မရတဲ့အတွက် ဘယ်နေရာမှာ ဖမ်းဆီးခံရတယ်ဆိုတာကိုတော့ မသိရပါသေးပါဘူး။

မပြည့်ဖြိုးသူ အပါအဝင် လူပုဂ္ဂိုလ် အယောက်   ၂၀ ကို  ရာဇသတ်ကြီး ပုဒ်မ ၅၀၅ (က) နဲ့ အမှုဖွင့်အရေးယူ ဆောင်ရွက်နေတယ်လို့ အာဏာသိမ်းစစ်ကောင်စီရဲ့မီဒီယာတွေက ဧပြီ ၉   ရက်ညမှာကြေညာထားပြီးနောက် ဒီကနေ့ ဖမ်းဆီးခံရတာဖြစ်ပါတယ်။

ဧပြီလ ၁၂ ရက်နေ့ကလည်း မုံရွာဆိုင်ကယ်သပိတ်မှာ လတ်တလော ရေပန်းစားနေတဲ့ မသီရိစံလည်း မနေ့ညနေပိုင်းက အကြမ်းဖက်စစ်တပ်ရဲ့ဖမ်းဆီးခံခဲ့ရပါတယ်။