မန္တလေးမြို့ အောင်မြေသာစံမြို့နယ် နန်းတော်ရှေ့လူမှုကယ်ဆယ်ရေးအသင်းက အသင်းသား ၆ ဦးကို လူနာသွားပို့နေတဲ့အချိန် ဧပြီ ၁၁ ရက် ည ၈ နာရီကျော်က ဖမ်းဆီးခံလိုက်ရတယ်လို့ သိရပါတယ်။

ဖမ်းဆီးခံရသူ ၆ ဦးအနက် ၃ ဦးမှာ အသက်မပြည့်သေးတာကြောင့် ပြန်လွှတ်ပေးခဲ့ပေမယ့် ကျန် ၃ ဦးကို ညမထွက်ရအမိန့် ဖောက်ဖျက်တာကြောင့် ထောင်ဒဏ် ၃ လချခံရကာ အသင်းကားလည်း ပြန်မရဘူးလို့ နန်းတော်ရှေ့လူမှုကယ်ဆယ်ရေးအသင်း တာဝန်ရှိသူက ဆိုပါတယ်။

ဒီလို ဖမ်းဆီးထောင်ချနေတာတွေကြောင့် ည ၈ နာရီအချိန် အရေးပေါ်လူနာ ပို့ဆောင်တာတွေကို ခေတ္တရပ်နားထားမယ်လို့ သိရပါတယ်။