မန္တ​လေးတိုင်း၊ စဉ့်ကူးမြို့နယ်၊ ရွှေပြည်ကျေးရွာမှာ လမ်း​မပေါ်ဆိုင်ကယ်စီးသွားတဲ့ ပြည်သူ နှစ်ယောက်ကို စစ်တပ်က ပစ်ခတ်တာ​ကြောင့် အသက်၂၉ နှစ်အရွယ် အမျိုးသားတစ်ယောက် ​သေဆုံးခဲ့ပါတယ်။

မတ်လ ၁၇ ရက်​​ ည ၁၁ နာရီလောက်မှဦ  ​ရွှေပြည် ​ကျေးရွာမှာ ​ကျေးရွာသား ၂ ယောက် ဆိုင်ကယ်စီးလာပြီး စစ်အာဏာရှင်ကို အလိုမရှိ​ကြောင်း ​​အော်ဟစ်ကြွေး​ကြော်သွားရာက ​ရွှေပြည်​ကျေးရွာ စာသင်ကျောင်းရှေ့ အရောက် စစ်တပ်က ပစ်ခတ်ခဲ့တာဖြစ်ပြီး ကျည်ထိမှန် ဒဏ်ရာနဲ့ အသက် ၂၉ နှစ်အရွယ် ကိုရဲဝင်း​အောင် သေဆုံးခဲ့ရကာ ကျန်အမျိုးသားတစ်ဦးရဲ့ လက်​မောင်းလည်း ကျည်ထိမှန် ဒဏ်ရာရခဲ့ပါတယ်။

မတ်လ ၁ ၅ ရက်​နေ့က သပိတ်ကျင်းနဲ့ စဥ့်ကူးမြို့နယ် ထိစပ်ရာ​နေရာ​တွေက ​ကျေးရွာ​တွေမှာ စစ်တပ်ရဲ့  ပစ်ခတ်ခဲ့တာ​ကြောင့် ၄ ဦးသေဆုံးခဲ့ရတာ ဖြစ်ပြီး  ဒီနေကာက် နောက်ဆက်တွဲအ​နေနဲ့ အဆိုပါ မြို့နယ်​​တွေရဲ့ ​နေရာတချို့မှာ  စစ်တပ်က တပ်စွဲ နေကြတာလည်း ဖြစ်ပါတယ်။

ဒါ့အပြင် စဉ့်ကူးမြို့နယ်နဲ့ သပိတ်ကျင်းမြို့နယ်တို့ကို မတ်လ ၁၈ ရက်​ ည​နေပိုင်းက စပြီး  ည ၈ နာရီက​နေ မနက်၄ နာရီအထိ ညမထွက် အမိန့်ထုတ်လိုက်ပါတယ်။ အဲ့ဒီအတွက် သပိတ်ကျင်းမြို့နယ်အတွင်းက ဇရပ်ကွင်းကျေးရွာမှာလည်း မ​နေ့ညက ခရီးသွားကား​တွေ ရပ်တန့်​နေခဲ့ရပါတယ်။

စဥ့်ကူးမြို့နယ် အတွင်းမှာ​တော့ စစ်အာဏာရှင်ဆန့်ကျင်​ရေး လှုပ်ရှား​နေသူ​တွေကို စစ်တပ်က လိုက်လံရှာ​ဖွေပြီး ဖမ်းဆီးဖို့ လုပ်​ဆောင်​နေတာ​ကြောင့် တိမ်း​ရှောင်​နေကြရပါတယ်။