ဆန်းတို့စ်အသင်းရဲ့ ပွဲစဉ်မှာ ဒိုင်လူကြီးတွေရဲ့ အမှားကြောင့် ကွင်းပြင်မှာ ဆေးကုသမှုခံယူနေတဲ့ နေမာကို နံပါတ် ၁၀ မြှောက်ပြီး မှားယွင်း လူစားလဲခဲ့ပါတယ်။

နေမာက ကွင်းထဲပြန်ဝင်ဖို့ ကြိုးစားခဲ့ပေမဲ့ အဝါကတ်ပြသခံခဲ့ရတာကြောင့် လူစားလဲစာရွက်ကို ကင်မရာဆီ ထိုးပြကာ ဒေါသတကြီး ဆန္ဒပြခဲ့ပါတယ်။

အသက် ၃၄ နှစ်အရွယ် နေမာဟာ ဘရာဇီးအသင်းရဲ့ ကမ္ဘာ့ဖလား ၂၆ ယောက်လူစာရင်းမှာ ပါဝင်မလားဆိုတာကို ဒီနေ့မှာ သိရှိရတော့မှာပါ။

နည်းပြ ကားလော့စ် အန်ဆလော့တီက နေမာကို ရွေးချယ်ဖို့ ဆုံးဖြတ်ရခက်ခဲနေပြီး ဘရာဇီးသမ္မတ လူလာကလည်း “သူ တကယ် ကစားချင်စိတ်ရှိဖို့ပဲ လိုတယ်” လို့ အကြံပြုထားပါတယ်။

ဒါ့အပြင် နေမာဟာ ပြီးခဲ့တဲ့အပတ်က အသင်းဖော် လူငယ်ကစားသမား ရော်ဘင်ဟို ဂျူနီယာကို လေ့ကျင့်ရေးကွင်းမှာ ရိုက်နှက်ခဲ့တယ်ဆိုတဲ့ စွပ်စွဲချက်တွေနဲ့လည်း ရင်ဆိုင်နေရပါတယ်။