ကမ္ဘာကြီးက ပါရှန်းပင်လယ်ကွေ့ကို အာရုံစိုက်နေချိန်မှာ တရုတ်ကတော့ တောင်တရုတ်ပင်လယ်ထဲက ကျွန်းတကျွန်းကို သေနတ်တချက်မဖောက်ဘဲ မြန်မြန်ဆန်ဆန် သိမ်းယူလိုက်ပါပြီ။
တရုတ်သောင်တူးစက်တွေဟာ ဗီယက်နမ်ကမ်းလွန်ကနေ ကီလိုမီတာ ၄၀၀ ပဲ ဝေးတဲ့ နေရာက Antelope Reef ကျောက်တန်းကို ကျွန်းတုအဖြစ် မြန်မြန်ဆန်ဆန် တည်ဆောက်နေတာပါ။
၂၀၂၅ ခုနှစ် ဒီဇင်ဘာလ ဂြိုဟ်တုဓာတ်ပုံတွေအရ မြုပ်တဝက် ပေါ်တဝက် ကျောက်တန်းရဲ့ အရှေ့တောင်ဘက် အစွန်းလေးမှာ တရုတ်စခန်းလေးတခု ရှိနေတာကို မြင်ခဲ့ရပါတယ်။
ဒါပေမဲ့ ၂၀၂၆ ခုနှစ် ဖေဖော်ဝါရီလမှာတော့ တရုတ်ဟာ ဒီမထင်မရှား ကျောက်တန်းလေးကို တကျွန်းလုံးလွှမ်းခြုံတဲ့ မဟာဗျူဟာ စစ်စခန်းအဖြစ် ပြောင်းလဲလိုက်ပါပြီ။
သောင်တူးစက် ၂၂ စီးလောက် ဝင်ရောက်လာပြီး ကျွန်းရဲ့ အသုံးပြုနိုင်တဲ့ မြေနေရာကို ၈ စတုရန်းမိုင်လောက်အထိ ချဲ့ထွင်ခဲ့တာ ဖြစ်ပါတယ်။
အခုဆိုရင် အဲဒီကျွန်းတုပေါ်မှာ ရဟတ်ယာဉ်ကွင်းတခုနဲ့ မီးခိုးရောင်ခေါင်မိုးပါတဲ့ အဆောက်အအုံတွေကိုလည်း ဆောက်လုပ်ထားပါတယ်။
ရေတပ်အသုံးပြုနိုင်တဲ့ ယာယီဆိပ်ခံတံတားတွေကိုလည်း တွေ့ရတဲ့အတွက် ဒီနေရာဟာ အငြင်းပွားရေပြင်မှာ တရုတ်ရဲ့ အကြီးဆုံး စစ်အခြေစိုက်စခန်း ဖြစ်လာနိုင်ပါတယ်။
ဒီလုပ်ရပ်ကို နိုင်ငံတကာက နှုတ်ဆိတ်နေကြပြီး သောင်တူးပြီး ၅ လအကြာ မတ်လရောက်မှသာ ဗီယက်နမ်က ပထမဆုံးအကြိမ် တရားဝင် ကန့်ကွက်ခဲ့တာဖြစ်ပါတယ်။
