ထားဝယ် ၂ ငါးလုံးအထွေထွေသပိတ် အင်အား ၄ သိန်းခန့်ပါဝင်
Aung Aung Naing
·
February 22, 2021
တနင်္သာရီတိုင်း ထားဝယ်မြို့မှာ ၂ ငါးလုံး အထွေထွေသပိတ်ကို ဒီနေ့မနက် စတင်ကျင်းပနေပြီး CDM ဝန်ထမ်းတွေအပါအဝင် ပြည်သူ အင်အား ၄ သိန်းလောက် ဆန္ဒပြနေကြတယ်လို့ သိရပါတယ်။
ဒီနေ့သပိတ်မှာ ပညာရေးဌာနက ဆရာ/ဆရာမ ၃၃၀ ကျော်ပါဝင်ပြီး ကျန်းမာရေး၊ ရှေ့နေ၊ အထွေထွေအုပ်ချုပ်ရေးရုံး၊ မီးသတ်တပ်ဖွဲ့ (ရေဖြူ)၊ အင်ဂျင်နီယာ၊ ကရင်တိုင်းရင်းသား၊ ဘဏ်လုပ်ငန်း၊ ထားဝယ်တက္ကသိုလ် ရူပဗေဒ၊ အင်္ဂလိပ်စာ၊ မြန်မာ၊ သတ္တဗေဒ အခြေခံပညာ သွေးလှူရှင်အဖွဲ့ ဘာသာပေါင်းစုံအဖွဲ့ ဂီတအနုပညာ အထွေထွေအလုပ်သမား တောင်သူလယ်သမား စုစုပေါင်း ၄ သိန်းနီးပါး ပါဝင်ခဲ့ကြပါတယ္။
ဒီနေ့မနက်စတင်တဲ့ ၂ ငါးလုံး အထွေထွေသပိတ်မှာ လုံခြုံရေးတပ်ဖွဲ့ဝင်တွေက တစုံတရာ နှောင့်ယှက်ဟန့်တားတာမျိုး မရှိသေးဘူးလို့ သိရပါတယ်။
