DVB Logo
Home
မြန်မာသတင်း
မြင့်သူထက်ကို အနိုင်ယူပြီး ဆုမွန်နှင်း Master Chef Myanmar Winner ဆုရရှိ
DVB
·
February 2, 2021
မြင့်သူထက်ကို အနိုင်ယူပြီး ဆုမွန်နှင်း Master Chef Myanmar Winner ဆုရရှိ
Donate to DVB

မနေ့ညက ထုတ်လွှင့်ပြသခဲ့တဲ့ Master Chef Myanmar Season 3 ဟင်းချက်ပြိုင် ပွဲမှာတော့ အမျိုးသမီး ပြိုင်ပွဲဝင်တယောက်ဖြစ်တဲ့ ဆုမွန်နှင်းက ပြိုင်ဘက်မြင့်သူထက်ကို အနိုင်ယူကာ Winner ဆုကို ရရှိသွားခဲ့ပြီ ဖြစ်ပါတယ်။

ဒီပြိုင်ပွဲကို ရုပ်သံရှိုး အစီအစဉ်တခုအနေနဲ့ MRTV-4 ရုပ်သံလိုင်းကနေ Season 1 နဲ့ Season 2 တို့ကို ထုတ်လွှင့်ပြသခဲ့ပြီးဖြစ်ကာ တင်တင်ဦးနဲ့ အာကာတို့က Winner ဆုတွေ အသီးသီးရရှိခဲ့ကြပါတယ်။

ခုလက်ရှိ Season 3 ပြိုင်ပွဲကိုတော့ ပြီးခဲ့တဲ့ ၂၀၂၀ ပြည့်နှစ်၊ စက်တင်ဘာလ တုန်း က စတင်ခဲ့တာ ဖြစ်ပြီး အပတ်စဉ် တနင်္ဂနွေနေ့ည ၆.၅၀ နာရီတိုင်းမှာ ထုတ်လွှင့် တင် ဆက်ပေးနေတာ ဖြစ်ပါတယ်။

ပြိုင်ပွဲဝင် ပြိုင်ဘက်တွေကြား ဟင်းချက်စွမ်းရည်အဆင့်ဆင့်နဲ့ ယှဉ်ပြိုင်ကြရတဲ့ ဒီ အစီအစဉ်မှာ Jean Marc Lemmery၊ ဦးရဲထွဋ်ဝင်း၊ ဒေါ်ဖြူဖြူတင်တို့က ဒိုင်တွေအနေနဲ့ အကဲဖြတ်အမှတ်ပေးခဲ့ကြတာဖြစ်ပြီး မှတ်ချက်တွေနဲ့အတူ ပရိသတ်တွေကြား လှုပ်လှုပ် ခတ်ခတ်ဖြစ်စေခဲ့တဲ့ အစီအစဉ်လည်း ဖြစ်ပါတယ်။

Season 3 ပြိုင်ပွဲမှာတော့ အသက် ၃၀ အရွယ် ဆုမွန်နှင်းနဲ့ ၂၃ နှစ်အရွယ် မြင့်သူ ထက်တို့က စွမ်းရည်ပြသပြီး သီတင်းပတ် တပတ်ချင်းစီကို အဆင့်ဆင့် ဖြတ်ကျော်ကာ နောက်ဆုံးဖိုင်နယ်အဆင့်ကို ရောက်ရှိလာခဲ့ကြတာ ဖြစ်ပါတယ်။

ဒီအဆင့်မှာတော့ အချက်အပြုတ်စွမ်းရည်ပြသဖို့ Round ၅ ခုယှဉ်ပြိုင်ခဲ့ရတာ ဖြစ်ပြီး အားလုံးယှဉ်ပြိုင်ပြီးချိန်မှာတော့ ဒိုင်တွေရဲ့ အဆုံးအဖြတ်နဲ့ ပြိုင်ပွဲဝင် ဆုမွန်နှင်း က Winner ဆုကို ရရှိသွားခဲ့ကာ ဆုကြေးအနေနဲ့ ငွေကျပ်သိန်း ၁၅၀ ကို ရရှိသွားခဲ့တာ ဖြစ်ပါတယ်။

Support DVB
Live
DVB Donate
မြန်မာနိုင်ငံအပေါ် အရေးယူဒဏ်ခတ်မှုများ
DVB Logo

About Us

For over 30 years, the Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB is registered as a non-profit association in Thailand.

Follow Us

© Democratic Voice of Burma 2013