အသက်ရှူ ကျပ်ရင်းက အသက်ဆုံးသွားတဲ့အထိပဲ။ ကိုဗစ်ကြောင့်  မောတယ်၊ အသက်ရှူ ကျပ်လာတယ်၊ သွေးတွင်းအောက်ဆီဂျင်က ထိုးကျသွားတယ်ဆိုတဲ့ စကား အခုတလော တော်တော်လေး ကြားရတယ်နော်။ သွေးတွင်းအောက်ဆီဂျင် ကျတာက အ​ကြောင်းမဲ့ ရုတ်တရက် ဖြစ်တာမျိုး မဟုတ်ပါဘူး။ သွေးတွင်းအောက်ဆီဂျင် ကျနေပြီဆိုတာကို သိသာတဲ့ လက္ခဏာလေးတွေ ရှိပါတယ်။

သွေးတွင်းအောက်ဆီဂျင် ဘာကြောင့် ကျရတာလဲ………

• လေထဲမှာ အောက်ဆီဂျင် လုံလောက်မှု မရှိတာ
• အဆုတ်က လေတွေကို ရှူသွင်းတာ၊ ဆဲလ်နဲ့ တစ်ရှူးတွေဆီ အောက်ဆီဂျင် ပေးပို့တာကို မလုပ်ဆောင်နိုင်တာ
• သွေးကြောတွေက အောက်ဆီဂျင်ကို ရယူဖို့နဲ့ ဖြန့်ဖြူးပေးဖို့အတွက် မလုပ်ဆောင်နိုင်တာ
• ပန်းနာရင်ကျပ် ရှိတာ
• နှလုံးရောဂါ ရှိတာ
• အမြင့်ရောက်နေတာ
• သွေးအားနည်းရောဂါ ရှိတာ
• နာတာရှည် အဆုတ် လေပြွန် ကျဉ်းမြောင်းပိတ်ဆို့တဲ့ ရောဂါ
• အဆုတ်ရောဂါ
• ပြင်းထန် အသက်ရှူလမ်းကြောင်း ရောဂါ
• အဆုတ်သွေးကြောမှာ သွေးခဲပိတ်ဆို့တာ
• အဆုတ်ရေဝင်တာ
• COVID-19 စတာတွေကြောင့် သွေးတွင်း အောက်ဆီဂျင် ကျဆင်းနိုင်ပါတယ်။

သွေးတွင်း အောက်ဆီဂျင် ကျတဲ့အခါ ဘယ်လို လက္ခဏာတွေ ရှိလဲ။

သွေးတွင်းအောက်ဆီဂျင် ကျသွားတဲ့အခါ ပုံမှန်မဟုတ်တဲ့ သွေးလည်ပတ်မှုတွေ  ဖြစ်ပြီး အခုလို လက္ခဏာတွေ ခံစားရနိုင်ပါတယ်။

• အသက်ရှူတာ ပြတ်တောင်း ပြတ်တောင်းဖြစ်တာ
• ခေါင်းကိုက်တာ
• ဂနာမငြိမ်ဖြစ်တာ
• မူးဝေတာ
• အသက်ရှူ မြန်လာတာ
• ရင်ဘတ် အောင့်တာ
• အာရုံ ရှုပ်ထွေးတာ
• သွေးပေါင်တက်တာ
• ဟန်ချက်ညီညီ လုပ်ဆောင်နိုင်စွမ်းကျတာ (စကားတွေပလုံးပထွေးပြောတာ၊ လှုပ်ရှားမှု မူမှန်တာ)
• အမြင်အာရုံ ဝေဝါးတာ
• အရမ်း စိတ်လှုပ်ရှားနေတာ
• အသာရောင် ပြာနှမ်းတာ
• အသက်ရှူရခက်လာတာ
• နှုတ်ခမ်းတွေ ပြာနှမ်းလာတာ
• နှလုံးခုန်မြန်တာမျိုးတွေ ခံစားရနိုင်ပါတယ်။

ဒီလို အခြေအနေဖြစ်နေရင် ကုသမှု အမြန်ဆုံး ခံယူပါ။

အပေါ်မှာ ပြောခဲ့တဲ့ လက္ခဏာတွေကို ခံစားနေရသလို အခုလို အခြေအနေတွေ ဖြစ်လာပြီဆိုရင် အမြန်ဆုံး ကုသမှု ခံယူပါ။

• ပြင်းထန်တဲ့ အသက်ရျူ ပြတ်တောင်း ပြတ်တောင်းဖြစ်တာကို ရုတ်တရက် ခံစားရမယ်ဆိုရင်
• အနားယူနေစဉ်မှာ အသက်ရှူရ ပြတ်တောင်းပြတ်တောင်း ဖြစ်လာရင်
• အနားယူနေပေမယ့် အသက်ရှူ မဝသလို ခံစားလာရရင်
• လေ့ကျင့်ခန်း လုပ်နေစဉ်၊ ကိုယ်လက်လှုပ်ရှားမှု လုပ်နေစဉ် အသက်ရှူ ရခက်လာရင်
• အသက်ရှူ ရကျပ်လို့ ရုတ်တရက် လန့်နိုးလာမယ်ဆိုရင်
• နင်နေသလို ခံစားရရင်
• ချောင်းဆိုးရင်း အသက်ရှူ ကျပ်လာရင်
• နှလုံးမြန်ရင်း အသက်ရှူ ကျပ်နေတာဆိုရင်
• ဖောရောင်မှုနဲ့အတူ အသက်ရှူရခက်လာရင် အမြန်ဆုံး ကုသမှု ခံယူဖို့ လိုပါမယ်။

ရေးသားသူ Aye Thi Mon   ဤဆောင်းပါးကို DVB ၏ မိတ်ဘက် ကျန်းမာရေးနှင့် ဆေးပညာဝက်ဘ်ဆိုဒ် hellosayarwon.com မှ ကူးယူဖော်ပြပါသည်။