စစ်ကိုင်းတိုင်း​ဒေသကြီးမှာ  ​အောက်တိုဘာ ၂ ရက်​နေ့က အသက် ၂၅ ရက်အရွယ် မိန်းက​လေး ၁ ဦးအပါဝင် ကိုဗစ်-၁၉ လူနာသစ် ၁၅ ဦး ထပ်မံတွေ့ရှိတယ်လို့ သိရပါတယ်။

ယင်းမာပင်ခရိုင် ကနီမြို့နယ်က ၇ ဦး၊ ကလေးခရိုင် ကလေးမြို့နယ်က ၇ ဦးနဲ့ မော်လိုက်ခရိုင် ဖောင်းပြင်မြို့နယ်က ၁ ဦး တွေ့ရှိခဲ့တာလို့ တိုင်းကျန်းမာရေးဌာန ထုတ်ပြန်ချက်အရ သိရပါတယ်။

ကနီမြို့နယ်က ပိုးတွေ့လူနာ  ၂၅ ရက်အရွယ်က​လေးက​တော့ ယခင်ပိုး​တွေ့လူနာ ဖခင်ကတဆင့် ကူးစက်တာလို့ သိရပါတယ်။

ပထမအကြိမ်​ဆေးစစ်တုန်းက ပိုး​တွေ့လူနာရဲ့ ဇနီးနဲ့က​လေးဟာ ပိုးမ​တွေ့ခဲ့ပေမဲ့ ဒုတိယအကြိမ်ပြန်စစ်တဲ့အခါ မိခင်နဲ့က​လေးပါ ကိုဗစ်-၁၉ ရောဂါပိုး တွေ့ရှိခဲ့တာလို့ ကနီမြို့နယ် ဆရာဝန်ကြီး ​ဒေါက်တာ ​ဝေမာနွယ်က ​ပြောပါတယ်။​

 ကနီမြို့နယ်မှာ ထပ်မံ​တွေ့ရှိတဲ့လူနာ ၇ ဦးဟာ ဆင်အိုရွာက ၄ ဦး၊ ရွာမ​တောင်ရွာက ၂ ဦးနဲ့ ပျဉ်းမော်ရွာက ၁ ဦးတို့ ဖြစ်တယ်လို့ ဆိုပါတယ်။

ယင်းမာပင်ခရိုင်အတွင်းမှာ ​အောက်တိုဘာ ၂ ရက်​နေ့အထိ ကနီမြို့နယ်က ၉ ဦး၊ ပုလဲမြို့နယ်က ၇ ဦးနဲ့ ယင်းမာပင်မြို့နယ်က ၂ ဦး၊ စုစုပေါင်း ကိုဗစ်-၁၉ ပိုး​တွေ့လူနာ ၁၈ ဦးရှိလာပြီဖြစ်ပါတယ်။

စစ်ကိုင်းတိုင်းမှာတော့ ကိုဗစ်-၁၉ အတည်ပြုလူနာ ၉၃ ဦးရှိပြီဖြစ်ပြီး ဆေးရုံက ဆင်းခွင့်ရသူက ၁၅ ဦးရှိပြီလို့ သိရပါတယ်။