ပရီးမီးယားလိဂ် တန်းဆင်းဇုန်ထဲ ရောက်နေတဲ့ စပါးအသင်းအနေနဲ့ အဆိုးမြင်စိတ်တွေကို ဖယ်ရှား ပစ်ဖို့ နည်းပြ ရောဘတ်တိုဒီဇာဘီက ကစားသမားတွေနဲ့ ပရိသတ်တွေကို တိုက်တွန်းလိုက်ပါတယ်။

ပြီးခဲ့တဲ့အပတ်က ဝုဗ်ကိုနိုင်ပြီး ၂၀၂၆ ခုနှစ်ရဲ့ ပထမဆုံးနိုင်ပွဲ ရခဲ့ပေမဲ့ စပါးအသင်းဟာ အဆင့် ၁၇ က ဝက်စ်ဟမ်းနဲ့ ၂ မှတ်အကွာ တန်းဆင်းဇုန်ထဲမှာ ရှိနေဆဲပါ။

၁၉၇၇ နောက်ပိုင်း ပထမဆုံးအကြိမ် တန်းဆင်းရမဲ့အန္တရာယ်ကနေ လွတ်မြောက်ဖို့ လက်ကျန် ၄ ပွဲမှာ အက်စတွန်ဗီလာ၊ လိဒ်စ်၊ ချယ်လ်ဆီး၊ အဲဗာတန်တို့နဲ့ အကြိတ်အနယ် ကစားရမှာ ဖြစ်ပါတယ်။

ကစားသမား ဒဏ်ရာရတာ၊ ကွင်းမကောင်းတာ စတဲ့ အဆိုးမြင်စိတ်တွေက အကြီးမားဆုံး ရန်သူ ဖြစ်နေပြီး ရှုံးတဲ့သူတွေကသာ ငိုကြွေးတတ်လို့ ကွင်းထဲမှာ အသေခံ တိုက်ပွဲဝင်သွားရမယ်လို့ အက်စတွန်ဗီလာနဲ့ပွဲ မတိုင်ခင် သတင်းစာရှင်းလင်းပွဲမှာ နည်းပြက ပြောပါတယ်။ 

Photo:Reuters