မန်ချက်စတာစီးတီးဟာ အာဆင်နယ်ကို (၂-၁) ဂိုးနဲ့ အနိုင်ယူပြီး ပရီမီယံလိဂ်ချန်ပီယံလုပွဲမှာ အရေးပါတဲ့ အားသာချက်ကို ရယူနိုင်ခဲ့ပါတယ်။

ရာယန်ရှာကီနဲ့ အာလင်းဟာလန်းတို့က မန်စီးတီးအတွက် ဂိုးတွေသွင်းယူခဲ့ပြီး လာမဲ့ ဗုဒ္ဓဟူးနေ့မှာ ဘန်လေကို အနိုင်ရခဲ့ရင် မန်စီးတီးဟာ ဇယားထိပ်ကို တက်လှမ်းနိုင်မှာပါ။

ပွဲအပြီးမှာ နည်းပြ ဂွါဒီယိုလာက သူ့အသင်းဟာ ချန်ပီယံဖြစ်ဖို့ "ရှင်သန်နေဆဲ" ဖြစ်ကြောင်း ပြောကြားခဲ့သလို၊ ဟာလန်းကလည်း သူ့ကိုခေါင်းနဲ့တိုက်ခဲ့တဲ့ အာဆင်နယ်နောက်ခံလူ ဂါဘရီယယ်ဟာ အနီကတ်ပြသခံရသင့်တယ်လို ဆိုပါတယ်။

အာဆင်နယ်နည်းပြ အာတေတာကတော့ ရှုံးနိမ့်ခဲ့ပေမဲ့ လက်ကျန် ၅ ပွဲမှာ ချန်ပီယံဆုအတွက် ဆက်လက်တိုက်ပွဲဝင်သွားမယ်လို့ အတည်ပြုခဲ့ပါတယ်။