တော့တင်ဟမ်ဟော့စပါးအသင်းဟာ ကိုဗင်ထရီစီးတီးကို ၃-၁ ဂိုးနဲ့ အနိုင်ယူကာ ဒီရာသီ ပရီးမီးယားလိဂ် ပထမဆုံးနိုင်ပွဲ ရရှိခဲ့ပါတယ်။

၁၈ လအတွင်း ပထမဆုံးအကြိမ် ပွဲထွက်ခွင့်ရတဲ့ ကွင်းလယ်လူ ဂျိမ်းစ်မက်ဒီဆန်က ၁၄ မိနစ်မှာ အဖွင့်ဂိုး သွင်းယူပေးခဲ့တာပါ။

ဒီနိုင်ပွဲကြောင့် စပါးတို့ အမှတ်ပေးဇယား အောက်ဆုံးနေရာကနေ ရုန်းထွက်နိုင်ခဲ့ပြီး နည်းပြ ဒီဇာဘီ အတွက်လည်း အသက်ရှူချောင်စေခဲ့ပါတယ်။

မက်ဒီဆန်ရဲ့ဂိုးအပြင် မာမွတ်ရှ်၊ ဘန်ဒေဗီးစ်တို့က အနိုင်ဂိုးတွေ ထပ်မံသွင်းယူပေးခဲ့ပါတယ်။ ဒူးဒဏ်ရာကြောင့် ၅၂၆ ရက်ကြာ အနားယူခဲ့ရတဲ့ ကူလူဆက်ဗ်စကီးလည်း လူစားဝင် ကစားသမား အဖြစ် ပြန်လည်ပါဝင်လာခဲ့ပါတယ်။

နည်းပြ ဒီဇာဘီကတော့ ဒီကစားသမား ၂ ယောက် ပြန်လည်ပါဝင်လာတာဟာ အသင်းရဲ့ အဝတ်လဲခန်းအတွင်း အငွေ့အသက်ကို ပြောင်းလဲစေနိုင်ကြောင်း ပြောကြားခဲ့ပါတယ်။